Umhverfisráð

Umhverfisráð getur ekki fallist á lokun Karlsrauðatorgs neðan Hafnarbrautar. Ráðið leggur til að fengnir verði sviðsstjóri og formaður veitu- og hafnarráðs til að ræða nánari útfærslu á öryggismálum á næsta fundi ráðsins.

Umhverfisráði líst vel á verkefnið og felur sviðsstjóra að fá nánari upplýsingar um aðkomu sveitarfélagsins.

Umhverfisráð þakkar innsendar athugsemdir, ábendingar og umsagnir og felur skipulagsráðgjafa að gera þær breytingar á tillögunni sem farið var yfir á fundinum og deiliskipulagstillögu fyrir næsta fund ráðsins.

a.Umhverfisráð samþykkir umsóknina um skautasvell á Stórhólstjörn og veitir leyfi til eins árs með fyrirvara um samráð við skíðafélagið varðandi vatnsöflun.
b.Umhverfisráð leggur til að veitt verði leyfi til að útbúa og halda úti æfingasvæði fyrir vélsleða á túnum sunnan við sundlaug og knattspyrnuvöll.
Nákvæm afmörkun og útfærsla verði unnin í samráði við sviðsstjóra.
Samþykkt samhljóða með fimm atkvæðum.

Sviðsstjóri umhverfis- og tæknisviðs gerði grein fyrir niðurstöðu innkauparáðs Dalvíkurbyggðar um snjómokstursútboð á fundi framkvæmdastjórnar þann 26.10.2020 um að snjómokstur og hálkuvarnir á Dalvík og snjómokstur og hálkuvarnir plön og stígar á Dalvík verði boðið út í einu lagi. Jafnframt var sviðsstjóra umhverfis- og tæknisviðs falið að fá tilboð frá Ríkiskaupum varðandi umsjón með útboðinu.
a)Umhverfisráð gerir ekki athugasemdir við ofangreindar niðurstöður innkauparáðs.
b)Umhverfisráð samþykkir samhljóða með 5 atkvæðum fyrirliggjandi drög að samningi um snjómokstur og hálkuvarnir á Árskógsströnd á milli Dalvíkurbyggðar og G. Hjálmarssonar með gildistíma 2020-2023 og vísar samningnum til afgreiðslu sveitarstjórnar.

Samþykkt samhljóða með fimm atkvæðum

Lagt fram til kynningar.

Umhverfisráð leggur til við sveitarstjórn að skipulags- og matslýsingin verði samþykkt og að skipulagsfulltrúa verði falið að kynna hana og afla umsagna skv. 3. mgr. 40. gr. skipulagslaga nr. 123/2010
Samþykkt samhljóða með fimm atkvæðum.

Umhverfisráð Dalvíkurbyggðar gerir ekki athugasemdir við framlögð gögn.
Samþykkt samhljóða með fimm atkvæðum.

Umhverfisráð felur sviðsstjóra að sækja um styrk í héraðsvegasjóð hjá Vegagerðinni.

1. Umhverfisráð vísar erindinu sem snýr að bílastæðum til endurskoðunar aðalskipulags sveitarfélagsins.
2. Umhverfisráð getur ekki tekið undir tillögur um breytt fyrirkomulag sorphirðu og telur ráðið fyrirkomulagið í góðum farvegi.

Með tilliti til niðurstöðu könnunarinnar leggur umhverfisráð til að gildandi deiliskipulag við Kirkjuveg verði endurskoðað og útvíkkað.
Samþykkt samhljóða með fimm atkvæðum.

Umhverfisráð samþykkir að veita umsækjanda framlengingu á byggingarleyfi um allt að sex mánuði.
Samþykkt samhljóða með fimm atkvæðum.

Umhverfisráð veitir umbeðið framkvæmdarleyfi með fyrirvara um að neðangreind skilyrði Vegagerðarinnar séu uppfyllt.

1.Reiðleið skal vera eins langt frá vegi og aðstæður leyfa, æskilega í sömu fjarlægð frá þjóðvegi og reiðleið norðan Þverár (5-7 m).
2.Ræsi í þverskurði sem reiðleið þverar skulu vera af sömu stærð eða stærri en ræsi undir þjóðveg til þess að raska ekki afvötnun umhverfis veg.
3.Tilkoma reiðvegar meðfram þjóðvegi skal ekki hindra afvötnun úr vegskurðum.
4.Móta skal vegfláa á milli vegar og nýrrar reiðleiðar með fláa 1:3 og skal yfirborð hans uppfylla kröfur sem fram settar eru í kafla 2.3 í veghönnunarreglum um öryggissvæði
5.Þverun reiðvegar yfir þjóðveg skal útfærð með þeim hætti að ríðandi séu sýnilegir í aðdraganda þverunar og því skal reiðleið ekki hækka aflíðandi í aðdraganda þverunar.
Auk þess skal þverun útfærð með þeim hætti að hún liggi þvert yfir veg og æskilega að gerður sé hlykkur á reiðleið í aðdraganda þverunar (sjá leiðbeiningar um reiðvegi á vef Vegagerðarinnar)
6.Framkvæmdaaðili skal tryggja að merkingar við vinnusvæðið séu í samræmi við gildandi reglur um vinnusvæðamerkingar.

Samþykkt samhljóða með fimm atkvæðum.