Umhverfisráð

Lögð fram til kynningar leiðrétt útboðsgögn vegna útboðs á snjómokstri 2020-2023.
Undir þessum lið kom inn á fundinn Steinþór Björnsson kl. 08:16

Á 933. fundi byggðaráðs þann 30. janúar var eftirfarandi bókað:
"Tekinn fyrir rafpóstur frá SSNE, samtökum sveitarfélaga og atvinnuþróunar á Norðurlandi eystra dagsett 24. janúar 2020. Þar óskar stjórn SSNE eftir hugmyndum að mögulegum verkefnum sem falla undir lið C.9. í byggðaáætlun en verkefnismarkmið þar snúa að náttúruvernd og eflingu byggða.

Skila skal inn hugmyndum að mögulegum verkefnum til SSNE fyrir 24. febrúar nk.
Byggðaráð samþykkir samhljóða að vísa erindinu til Umhverfisráðs."

Lögð voru fram drög að áfangaskýrslu 1, lýsingu, vegna endurskoðunar aðalskipulagsins, sem unnin var af Teiknistofu arkitekta í samráði við umhverfisráð. Í lýsingunni er gerð grein fyrir viðfangsefnum endurskoðunarinnar, áherslum, helstu forsendum, tengslum við aðrar áætlanir og fyrirhuguðu skipulagsferli.

Þann 31. október 2019 samþykkti sveitarstjórn Dalvíkurbyggðar að auglýsa breytingu á Aðalskipulagi Dalvíkurbyggðar 2008-2020 á þann hátt að íbúðarsvæði, reitur 312-Íb, stækkar til norðurs yfir óbyggt svæði og verður stærð reits þá 5,6 ha í stað 5,5 ha. Málsmeðferð er skv. 31. gr. skipulagslaga nr. 123/2010.
Með stækkuninni fæst ein byggingarlóð fyrir parhús.
Kynningarfundur var haldin í menningarhúsinu Bergi á Dalvík 6. ágúst 2019. Áður höfðu áform um þéttingu byggðar, m.a. við Hringtún, verið kynnt á almennum borgarafundi 11. apríl 2019.
Tillaga að breyttu aðalskipulagi var auglýst í Morgunblaðinu, blaði á landsvísu og Lögbirtingarblaðinu, skv. 31. gr. skipulagslaga nr. 123/2010 þann 11. desember 2019 samhliða tillögu að breyttu deiliskipulagi með athugasemdafresti til 23. janúar 2020. Vegna þeirra aðstæðna sem upp komu í desember var síðan ákveðið að framlengja frest til athugasemda til 31. janúar. Níu athugasemdir bárust á auglýsingatíma við aðalskipulagsbreytinguna. Farið hefur verið yfir allar athugasemdir og tekin til þeirra afstaða. Vísast um þetta nánar til fylgiskjalsins "Samantekt athugasemda vegna Hóla- og Túnahverfis" við fundargerð þessa. Umhverfisráð óskaði eftir að fá að birta allar athugasemdir sem bárust. Fjórar athugasemdir eru birtar í heild sinni og útdráttur úr einni að ósk bréfritara.

Þann 31. október 2019 samþykkti sveitarstjórn Dalvíkurbyggðar að auglýsa tillögu að breytingu á deiliskipulagi íbúðarsvæðis í Hóla- og Túnahverfi á Dalvík skv. 1. mgr. 43. gr. skipulagslaga nr. 123/2010.

Í auglýstri tillögu var lagt til að eftirtaldar breytingar yrðu gerðar á gildandi deiliskipulagi:
1.
Parhúsalóð nr. 9a og 9b við Hringtún er breytt í lóð fyrir þriggja íbúða raðhús.
2.
Einbýlishúsalóðunum nr. 17 og 19 við Hringtún er breytt í lóðir fyrir parhús með óbreyttu byggingarmagni.
3.
Ný parhúsalóð nr. 20 og 22 við Hringtún.
4.
Afmarkaður er byggingarreitur utanum garðhús við Hringtún 30.
5.
Einbýlishúsalóðirnar við Hringtún 42 og 44 eru sameinaðar og breytt í eina raðhúsalóð. Hús á lóðinni skal vera á einni hæð.
6.
Einbýlishúsalóð við Skógarhóla 11 er breytt í þriggja íbúða raðhúsalóð.

Kynningarfundur var haldinn í menningarhúsinu Bergi á Dalvík 6. ágúst 2019. Áður höfðu áform um þéttingu byggðar m.a. í Hóla- og Túnahverfi verið kynnt á almennum borgarafundi 11. apríl 2019. Nokkrar breytingar voru gerðar á tillögunni eftir kynningarfundinn 6. ágúst með hliðsjón af umræðum á fundinum.

Deiliskipulagstillagan var auglýst samhliða tillögu að breytingu á aðalskipulagi í Morgunblaðinu, blaði á landsvísu og Lögbirtingarblaðinu, skv. 31. gr. skipulagslaga nr. 123/2010 þann 11. desember 2019 með athugasemdafresti til 23. janúar 2020. Vegna þeirra aðstæðna sem upp komu í desember var síðan ákveðið að framlengja frest til athugasemda til 31. janúar. Sextán athugasemdir bárust á auglýsingatíma við deiliskipulagstillöguna. Vísast um þetta nánar til fylgiskjalsins "Samantekt athugasemda við deiliskipulagstillögu" við fundargerð þessa. Umhverfisráð óskaði eftir að fá að birta allar athugasemdir sem bárust. Þrettán athugasemdir og umsagnir eru birtar í heild sinni og útdráttur úr þremur athugasemdum að ósk bréfritara.