Skólanefnd Tónlistarskólans á Tröllaskaga

Eins og segir í 11.gr. samningsins um sameiningu Tónlistarskóla Dalvíkurbyggðar og Tónskóla Fjallabyggðar undir nafninu Tónlistarskólinn á Tröllaskaga er skipan skólanefndar þannig að fyrsta starfsárið skipar Dalvíkurbyggð tvo fulltrúa og Fjallabyggð 3 fulltrúa og næsta starfsár skipar Dalvíkurbyggð 3 fulltrúa og Fjallabyggð 2. Þá segir að sveitarfélag sem skipar 2 fulltrúa fái úthlutaða stöðu formanns skólanefndar og varaformaður komi frá því sveitarfélagi sem skipar 3 fulltrúa.



Í ljósi þessa hefur Dalvíkurbyggð fyrir sína hönd ákveðið að Steinunn Jóhannsdóttir verði skipuð formaður nýrrar skólanefndar.



Fjallabyggð tilnefnir Ríkharð Sigurðsson sem varaformann nýrrar skólanefndar.



Nefndarmenn voru sammála um að tilnefna Hlyn Sigursveinsson, sviðsstjóra fræðslu- og menningarsviðs Dalvíkurbyggðar sem ritara nýrrar skólanefndar.

Nefndin fór yfir fyrirliggjandi drög og felur Kristni og Hlyn að útfæra erindisbréfið í samræmi við tillögur sem fram komu og að bréfið verði tekið til endanlegrar afgreiðslu á næsta fundi skólanefndar.

Afgreiðslu frestað.

Starfsáætlun lögð fram til kynningar og umræðu. Lagt til að lykiltölur verði lagaðar og afgreiðslu hennar því frestað.

Fram kemur verulegt ósamræmi milli upphæðar frístundastyrkja í sveitarfélögunum. Skólanefnd leggur til að embættismenn komi upplýsingum þar að lútandi á framfæri við bæjar- og byggðaráð.

Farið var yfir nemendafjölda og samróma samþykkt að senda út greiðsluseðla fyrir haustönn 2016.

Málinu frestað.

Lagt hefur verið fram uppsagnarbréf Gunnars Smára Helgasonar og vill skólanefnd TAT þakka Gunnari Smára fyrir vel unnin störf.

Gunnar Smári Helgason hefur sagt upp störfum og mun Guðmann Sveinsson taka yfir hluta af hans störfum og þar með hækkar starfshlutfall Guðmanns úr 60% í 85%.

Magnús fór yfir nýja heimasíðu og Facebook síðu(TAT).

Kannað verði hverjar reglur Dalvíkur- og Fjallabyggðar eru varðandi símakostnað starfsmanna.

Niðurstaðan er að laun einstaka fulltrúa í skólanefnd eru ákveðin hjá hvoru sveitarfélagi fyrir sig. Hvað fasta fundartíma varðar er lagt til að fundað verði síðasta föstudag í mánuði, annan hvorn mánuð, en hægt verði að kalla til aukafundar ef þörf krefur.