Frá deildarstjóra Eigna- og framkvæmdadeildar; beiðni um viðauka vegna opins svæðis í Hringtúni

Tekið fyrir erindi frá deildarstjóra Eigna- og framkvæmdadeildar, dagsett þann 1. október 2024, þar sem óskað er eftir viðauka við fjárhagsáætlun 2024 vegna frágangs á lóðamörkum og á opnu svæði í Hringtúni.

Gert er ráð fyrir 2,0 m.kr. í fjárhagsáætlun vegna verksins Hringtún göngustígur., E2217. Áætlaður kostnaður við frágang á lóðmörkum við Miðtún 3, uppsetningu á lýsingu og færslu og jarðvegsskiptum á stíg er kr. 6.700.000. Því er óskað eftir viðauka að upphæð kr. 4.700.000 vegna verksins og að verkefni E2302, Hauganes, gatnagerð, verði lækkað á móti þar sem fyrirséð er að áætlað fjármagn i það verkefni verði ekki nýtt á árinu.