Frá Jafnréttisstofu; Skyldur sveitarfélaga samkvæmt jafnréttislögum

Tekið fyrir erindi frá Jafnréttisstofu, rafpóstur dagsettur þann 1. júní 2018, er varðar skyldur sveitarfélaga samkvæmt jafnréttislögum, sbr. meðfylgjandi bréf dagsett þann 29. maí 2018. Samkvæmt lögum nr. 10/2008 um jafna stöðu og jafnan rétt kvenna og karla eiga ákvæði laganna í 12. gr., skipun jafnréttisnefnda og gerð jafnréttisáætlana, og í 15. gr., skipan í nefndir, ráð og stjórnir, sérstaklega við um sveitarfélögin.

Til umræðu ofangreint.

Erindi barst dags. 1. júní 2018 frá Jafnréttisstofu.Þar vill Jafnréttisstofa minna sveitarstjórnir á ákvæði laga nr. 10/2008 um jafna stöðu og jafnan rétt kvenna og karla sem lúta að skyldum sveitarfélaganna. Eftirfarandi ákvæði eiga sérstaklega við sveitarfélögin:
- 12. gr. laganna sem kveður á um að skipa skuli jafnréttisnefndir sem fjalla um jafna stöðu og jafnan rétt kvenna og karla innan sveitarfélagsins. Skulu nefndirnar hafa umsjón með gerð jafnréttisáætlana til fjögurra ára í senn sem leggja skal fram til samþykktar hjá sveitarstjórn.
-15. gr laganna kveður á um að þess skuli gætt við skipan í nefndir og stjórnir að hlutfall kynjanna sé sem jafnast og ekki minna en 40% þegar um fleiri en þrjá fulltrúa er að ræða.