Byggðaráð Dalvíkurbyggðar - 763, frá 07.01.2016

Málsnúmer 1601003

Vakta málsnúmer

Sveitarstjórn - 276. fundur - 19.01.2016

Til afgreiðslu:

2. liður a)

2. liður b)

3. liður b)

4. liður

5. liður

6. liður

  • .1 201408038 Málefni Húsabakka
    Undir þessum lið komu á fund byggðaráðs Börkur Þór Ottósson, sviðsstjóri umhverfis- og tæknisviðs, og Þorsteinn K. Björnsson, sviðsstjóri veitu- og hafnasviðs.

    Á 762. fundi byggðaráðs þann 17. desember 2015 var meðal annars eftirfarandi bókað:
    "Hugmynd að samkomulagi við Húsabakka ehf. var send til stjórnar Húsabakka í bréfi dagsettu þann 18. nóvember 2015. Með fundarboði byggðaráðs fylgdi rafbréf dagsett þann 14. desember 2015 sem er svar Húsabakka ehf. við ofangreindu erindi Dalvíkurbyggðar. Fram kemur meðal annars að almennur hluthafafundur Húsabakka ehf. samþykkti að fela stjórn og framkvæmdarstjóra að ganga til samninga við Dalvíkurbyggð á grundvelli erindis frá 18/11 2015. Börkur Þór vék af fundi kl. 13:58. Til umræðu ofangreint.
    Byggðaráð samþykkir samhljóða með 3 atkvæðum að fela sveitarstjóra og sviðsstjóra umhverfis- og tæknisviðs, í samráði við lögmann sveitarfélagsins, að vinna drög að samkomulagi við Húsabakka ehf. Stefnt skuli að því að drögin verði tekin fyrir á fundi byggðaráðs 7. janúar 2016."

    Með fundarboði byggðaráðs fylgdu drög að samkomulagi við Húsabakka ehf. um lok leigusamnings um húsnæði að Húsabakka, Svarfaðardal.

    Í 5. gr. samkomulagsins kemur fram að samhliða lokum leigusamnings þessa skal fara fram uppgjör milli aðila á grundvelli 4. gr. leigusamningsins vegna varanlegra breytinga innandyra sem gerðar hafa verið með samþykki leigusala og leigutaki hefur greitt fyrir, sem og vegna lausafjár sbr. 10. gr. leigusamningsins, ef við á. Gert er ráð fyrir að með samkomulaginu fylgi skjal sem er tæmandi yfirlit yfir breytingar og endurbætur sem leigusali greiðir leigutaka fyrir, ásamt sundurliðun.

    Börkur Þór og Þorsteinn kynntu yfirferð þeirra á þeim breytingum og endurbótum sem gerðar hafa verið á húsnæði Húsabakka á leigutíma og í drögum að fylgiskjali kemur fram mat þeirra á hvaða viðhaldsframkvæmdir falla undir skilgreiningu 4. gr. leigusamningsins og fjárhæðir.

    Til umræðu ofangreint.

    Börkur Þór og Þorsteinn viku af fundi kl. 13:22     Byggðaráð Dalvíkurbyggðar - 763 Byggðaráð samþykkir samhljóða með 3 atkvæðum að fela sveitarstjóra að ganga til samninga við stjórn Húsabakka ehf. á grundvelli draga að samkomulagi um lok leigusamningsins og á grundvelli greinargerðar sviðsstjóra umhverfis- og tæknisviðs og veitu- og hafnasviðs.
    Stefnt skuli að því að málið verði tekið fyrir að nýju á næsta fundi ráðsins.
  • .2 201510140 Varðar ósk um kaup á Sigtúni, Grundargötu 1.
    Á 757. fundi byggðaráðs þann 5. nóvember 2011 var meðal annars eftirfarandi bókað:
    "Byggðaráð samþykkir samhljóða með 3 atkvæðum að fela sveitarstjóra að ræða við Kristínu A. Símonardóttir um ofangreint erindi með tilliti til gildandi leigusamnings um Sigtún. Það er vilji byggðaráðs að auglýsa eignina til sölu og óskar eftir verðmati á Sigtúni."

    a) Með fundarboði byggðaráðs fylgdu drög að samkomulagi um riftun leigusamnings, dagsett þann 21. desember 2015, sem Kristín Aðalheiður Símonardóttir hefur undirritað f.h. Gísla, Eiríks og Helga ehf.

    b) Með fundarboði byggðaráðs fylgdi einnig tillaga að auglýsingu vegna sölu á Sigtúni, Grundargötu 1, sem og að fasteignasölunni Hvammi verði falið að auglýsa eignina til sölu.     Byggðaráð Dalvíkurbyggðar - 763 a) Byggðaráð samþykkir samhljóða með 3 atkvæðum drög að samkomulagi um riftun leigusamnings á milli Dalvíkurbyggðar og Gísla, Eiríks og Helga ehf. um húsnæðið við Grundargötu 1, eins og það liggur fyrir.
    b) Byggðaráð samþykkir samhljóða með 3 atkvæðum tillögu að auglýsingu eins og hún liggur fyrir en án allra kvaða, ásamt því að fela fasteignasölunni Hvammi að auglýsa eignina til sölu. Byggðaráð samþykkir samhljóða með 3 atkvæðum að tilboðsfrestur verði til og með 31. janúar 2016.     Bókun fundar a) Sveitarstjórn samþykkir samhljóða með 7 atkvæðum afgreiðslu byggðaráðs.
    b) Sveitarstjórn samþykkir samhljóða með 7 atkvæðum afgreiðslu byggðaráðs.
  • .3 201507012 Frá KPMG; Úttekt og samanburður á tekjum og þjónustu sveitarfélaga.
    Á 759. fundi byggðaráðs þann 20. nóvember 2015 var meðal annars eftirfarandi bókað:
    "Byggðaráð samþykkir samhljóða með 3 atkvæðum að farið verði í áfanga 1 í samræmi við það sem fram kemur í drögum að lýsingu frá KPMG. Áfanga 2 og frekari vinnu er vísað til gerðar starfs- og fjárhagsáætlunar 2016-2019. Byggðaráð samþykkir samhljóða með 3 atkvæðum að fela sviðsstjóra fjármála- og stjórnsýslusviðs að finna svigrúm innan fjárhagsáætlunar 2015 fyrir áfanga 1. Upplýst var á fundinum að fyrir liggja frumdrög frá KPMG. "

    Með fundarboði byggðaráðs fylgdi eftirfarandi:
    a) Skýrsla KPMG um greiningu og samanburð á tekjum og kostnaði sveitarfélaga, skil desember 2015, áfangi #1.
    b) Tillaga frá KPMG um næstu skref hvað varðar áfanga #2.
    Áfangi 2


    Til umræðu ofangreint.     Byggðaráð Dalvíkurbyggðar - 763 a) Rætt var um ferli kynningar á skýrslunni.
    b) Byggðaráð samþykkir samhljóða með 3 atkvæðum tillögu að áfanga #2 eins og hann liggur fyrir.
    c) Byggðaráð felur sveitarstjóra og sviðsstjóra fjármála- og stjórnsýslusviðs að kynna næstu skref, áfanga #2, í framkvæmdastjórn.     Bókun fundar Sveitarstjórn samþykkir samhljóða með 7 atkvæðum afgreiðslu byggðaráðs hvað varðar 3. lið b).
  • .4 201601008 Ráðning sviðsstjóra fræðslu- og menningarsviðs
    Undir þessum lið véku sviðsstjóri fjármála- og stjórnsýslusviðs og formaður byggðaráðs af fundi vegna vanhæfis kl. 14:13. Varaformaður Kristján Guðmundsson tók við fundarstjórn.

    Á 757. fundi byggðaráðs þann 10. nóvember 2011 var eftirfarandi bókað undir máli 201511012 Uppsögn á starfi sviðsstjóra fræðslu- og menningarsviðs:
    "Tekið fyrir erindi frá Hildi Ösp Gylfadóttur, sviðsstjóra fræðslu- og menningarsviðs Dalvíkurbyggðar, rafpóstur dagsettur þann 19. október 2015, þar sem hún segir starfi sínu lausu.

    Byggðaráð samþykkir samhljóða með 3 atkvæðum að fela sveitarstjóra að auglýsa starf sviðsstjóra fræðslu- og menningarsviðs laust til umsóknar.
    Byggðaráð þakkar Hildi Ösp fyrir vel unnin störf í þágu sveitarfélagsins og óskar henni velfarnaðar."

    Starfið var auglýst laust til umsóknar í gegnum Capacent. Umsóknarfrestur var til og með 7. desember eftir framlengingu og sóttu 17 aðilar um starfið.

    Fyrir hönd Dalvíkurbyggðar sátu sveitarstjóri og formaður fræðsluráðs, Lilja Björk Ólafsdóttir, þau viðtöl sem tekin voru við þá umsækjendur sem ákveðið var að boða í viðtöl.

    Sveitarstjóri leggur til við byggðaráð að Hlynur Sigursveinsson verði ráðinn í starf sviðsstjóra fræðslu- og menningarsviðs.

     Byggðaráð Dalvíkurbyggðar - 763 Byggðaráð samþykkir samhljóða með 2 atkvæðum að leggja til við sveitarstjórn að Hlynur Sigurveinsson verði ráðinn í starf sviðsstjóra fræðslu- og menningarsviðs. Bókun fundar Til máls tók:
    Gunnþór Eyfjörð Gunnþórsson, sem gerði grein fyrir vanhæfi sínu hvað þennan lið varðar og vék af fundi við umfjöllun og afgreiðslu á þessum lið kl. 16:17.


    Sveitarstjórn samþykkir samhljóða með 6 atkvæðum afgreiðslu byggðaráðs, Gunnþór Eyfjörð Gunnþórsson tekur ekki þátt í atkvæðagreiðslu vegna vanhæfis.
  • .5 201509001 Rent- A - Prent; drög að samningi við Nýherja
    Sviðsstjóri fjármála- og stjórnsýslusviðs og formaður byggðaráðs kom inn á fundinn að nýju kl. 14:31.

    Á 760. fundi byggðaráðs þann 3. desember 2015 samþykkt sú tillaga að ganga til samninga við Nýherja um Rent-A -Prent prentlausn.

    Með fundarboði byggðaráðs fylgdu drög að samningi við Nýherja um ofangreint.

     Byggðaráð Dalvíkurbyggðar - 763 Byggðaráð samþykkir samhljóða með 3 atkvæðum samningsdrögin eins og þau liggja fyrir með þeirri breytingu að sett verði inn uppsagnarákvæði eftir 3 ár. Bókun fundar Gunnþór Eyfjörð Gunnþórsson kom inn á fundinn að nýju undir þessum lið kl. 16:18.

    Sveitarstjórn samþykkir samhljóða með 7 atkvæðum afgreiðslu byggðaráðs.
  • .6 201601009 Laun kjörinna fulltrúa og fundaþóknanir 2016
    Við gerð starfs- og fjárhagsáætlunar 2016 voru laun kjörinna fulltrúa og fundaþóknanir fyrir árið 2016 ekki ákveðin þar sem ekki lágu fyrir forsendur kjarasamninga en laun kjörinna fulltrúa og fundaþóknanir hafa fylgt breytingum samkvæmt kjarasamningi KJALAR og Sambands íslenskra sveitarfélaga.

    Með fundarboði byggðaráðs fylgdu útreikningar sviðsstjóra fjármála- og stjórnsýslusviðs á launum kjörinna fulltrúa og fundaþóknunum út frá nokkrum forsendum.     Byggðaráð Dalvíkurbyggðar - 763 Byggðaráð samþykkir samhljóða 3 atkvæðum að leggja til eftirfarandi tillögu:
    Laun kjörinna fulltrúa og fundaþóknanir hækki um 9,17% 1.1.2016 og svo um 5,5% þann 1.6.2016 skv.kjarasamningi KJALAR við Samband íslenskra sveitarfélaga.
    Laun kjörinna fulltrúa og fundaþóknanir verða tengdar við launaflokk 133, grunnlaun, skrifstofumaður IV.
  • .7 201512065 Frá Sýslumanninum á Norðurlandi eystra; Tilnefning fulltrúa sveitarfélaganna í Legatsjóð Jón Sigurðssonar.
    Tekið fyrir erindi frá Sýslumanninum á Norðurlandi eystra, rafbréf dagsett þann 16. desember 2015, þar sem óskað er eftir sjónarmiðum sveitarfélaganna við Eyjafjörð um hvernig rétt þyki að standa að tilnefningu fulltrúa þeirra í stjórn Legatsjóðs Jón Sigurðssonar. Sjóðurinn starfar á grundvelli skipulagskrár og er markmið og tilgangur sjóðsins að styðja bágstadda á Eyjafjarðarsvæðinu á grundvelli ávöxtunar eigna sjóðsins og fjármagnstekna. Byggðaráð Dalvíkurbyggðar - 763 Byggðaráð samþykkir samhljóða með 3 atkvæðum að vísa ofangreindu erindi til stjórnar Eyþings.
  • .8 201512076 Frá Jöfnunarsjóði sveitarfélaga; Skipulagsbreyting hjá Jöfnunarsjóði sveitarfélaga
    Tekið fyrir erindi frá Jöfnunarsjóði sveitarfélaga, bréf dagsett þann 17. desember 2015, þar sem fram kemur að Jöfnunarsjóður sveitarfélaga í sinni núverandi mynd tók til starfa 1. janúar 19990 í kjölfar breytingar á verkaskiptingu ríkis og sveitarfélaga. Frá þeim tíma hefur sjóðurinn annast allar greiðslur framlaga til sveitarfélaga, bókun fylgiskjala og ársuppgjör.

    Þann 1. janúar s.l. urðu þær breytingar á starfsemi Jöfnunarsjóðs sveitarfélaga að framangreindir verkþættir, þ.e. greiðslur framlaga til sveitarfélaga, bókun fylgiskjala og uppgjör sjóðsins, munu alfarið flytjast til Fjársýslu ríkisins.

     Byggðaráð Dalvíkurbyggðar - 763 Lagt fram til kynningar.
  • .9 201512077 Frá Jöfnunarsjóði sveitarfélaga; Uppgjör Jöfnunarsjóðs sveitarfélaga á rekstrargrundvelli
    Tekið fyrir erindi frá Jöfnunarsjóði sveitarfélaga, bréf dagsett þann 17. desember 2015, þar sem fram kemur að á ársfundi Jöfnunarsjóðs sveitarfélaga í lok september s.l. kom fram að Jöfnunarsjóður sveitarfélaga hefði frá yfirfærslu grunnskólans verið gerður upp bæði á rekstrar- og greiðslugrunni. Á rekstrargrunni hafa verið gerð upp þau framlög sjóðsins er byggja á lögbundnum framlögum frá ríki. Á greiðslugrunni hafa hins vegar verið gerð upp þau framlög sjóðsins er byggja á hlutdeild sjóðsins á álagningarstofni útsvars, þ.e. framlög vegna yfirfærsku grunnskólans og framlög vegna þjónustu við fatlað fólk þegar þau koma til.

    Fram kemur að ákveðið var að færa uppgjör þeirra framlaga sjóðsins er tengjst yfirfærslunum báðum á rekstrargrunn til samræmis við færslu sveitarfélaganna á tekjum af staðgreiðslunni. Þetta hefur í för með sér að uppgjör framlaga sjóðsins til sveitarfélaganna vegna ársins 2015 mun ekki liggja fyrir hjá sjóðnum fyrr enn um mánaðarmótin janúar/febrúar 2016.     Byggðaráð Dalvíkurbyggðar - 763 Lagt fram til kynningar.
  • .10 201512081 Frá nefndasviði Alþingis; Til umsagnar frumvarp til laga um almennar íbúðir (heildarlög), 435. mál.
    Tekinn fyrir rafpóstur frá nefndasviði Alþingis, dagsettur þann 21. desember 2015, þar sem fram kemur að velferðarnefnd Alþingis sendir til umsagnar frumvarp til laga um almennar íbúðar, nr. 435. Óskað er umsagnar eigi síðar en 14. janúar n.k. Byggðaráð Dalvíkurbyggðar - 763 Lagt fram til kynningar.
  • .11 201512082 Frá nefndasviði Alþingis; Frumvarp til laga um húsaleigulög (réttarstaða leigjenda og leigusala), 399. mál.
    Tekinn fyrir rafpóstur frá nefndasviði Alþingis, dagsettur þann 21. desember 2015, þar sem fram kemur að velferðarnefnd Alþingis óskar umsagnar um frumvarp til laga um húsaleigulög, 399. mál.

    Óskað er umsagnar eigi síðar en 14. janúar n.k.     Byggðaráð Dalvíkurbyggðar - 763 Lagt fram til kynningar.
  • .12 201512083 Frá nefndasviði Alþingis; Til umsagnar frumvarp til laga um húsnæðisbætur (heildarlög), 407. mál.
    Tekinn fyrir rafpóstur frá nefndasviði Alþingis, dagsettur þann 21. desember 2015, þar sem velferðarnefnd Alþingis óskar umsagnar um frumvarp til laga um húsnæðisbætur, 407. mál.

    Óskað er umsagnar eigi síðar en 14. janúar 2016.     Byggðaráð Dalvíkurbyggðar - 763 Lagt fram til kynningar.
  • .13 201512091 Frá Sambandi íslenskra sveitarfélaga; Framlenging ákvæðis um B-gatnagerðargjald
    Tekinn fyrir rafpóstur frá Sambandi íslenskra sveitarfélaga, dagsettur þann 23. desember 2015, þar sem athygli sveitarfélaga er vakin á því að Alþingi hefur samþykkt frumvarp innanríkisráðherra um framlengingu B-gatnagerðargjalds.

    Þessi lagabreyting skiptir eingöngu máli fyrir þau sveitarfélög sem ekki hafa enn lokið framkvæmdum við lagningu bundins slitlags á eldri götur.     Byggðaráð Dalvíkurbyggðar - 763 Lagt fram til kynningar.
  • .14 201503206 Frá Eyþingi; Fundargerð stjórnar Eyþings frá 8.12.2015
    Með rafpósti frá Eyþingi dagsettum þann 21. desember 2015 fylgir fundargerð stjórnar Eyþings frá 8. desember s.l. Byggðaráð Dalvíkurbyggðar - 763 Lagt fram til kynningar.
  • .15 201502032 Frá Sambandi íslenskra sveitarfélaga; fundargerðir stjórnar nr. 833 og nr. 834
    Með rafpósti frá Sambandi íslenskra sveitarfélaga frá 16. desember 2015 fylgja með fundargerðir stjórnar Sambandsins nr. 833 og nr. 834.

     Byggðaráð Dalvíkurbyggðar - 763 Lagt fram til kynningar. Bókun fundar Fleiri tóku ekki til máls um fundargerðina og annað þarfnast ekki afgreiðslu.