Landbúnaðarráð

Samþykkt samhljóða með fjórum atkvæðum.

Farið yfir samningsdrögin og gerðar á þeim breytingar. Landbúnaðarráð samþykkir samningsdrögin samhljóða með fjórum atkvæðum og vísar til afgreiðslu sveitarstjórnar.

Landbúnaðarráð samþykkir framlögð drög að breytingum á búfjársamþykkt Dalvíkurbyggðar með fjórum atkvæðum og vísar henni til afgreiðslu sveitarstjórnar.

Lagt fram til kynningar.

Landbúnaðarráð vill koma að ábendingu til væntanlegrar sveitarstjórnar í framhaldi af ákvörðun núverandi sveitarstjórnar um að landbúnaðarráð skuli fellt inn í umhverfisráð eftir næstu kosningar. Ráðið er algjörlega mótfallið því og leggur til við nýja sveitarstjórn að í stað þess verði skipað dreifbýlisráð sem tekur yfir málefni landbúnaðarráðs og dreifbýlisins almennt.
Samþykkt samhljóða með fjórum atkvæðum.

Jón Þórarinsson leggur jafnframt fram eftirfarandi bókanir:
Lagt er til við væntanlega sveitarstjórn að gert verði átak í að merkja þær fjölmörgu menningarminjar sem eru bæði leyndar og ljósar í sveitarfélaginu eins og til dæmis gamlar fjárréttir sem eiga sér oft stórmerkilega sögu. Einnig er fjöldi gamalla mannvistarleifa sem vantar merkingar og vegvísa að.
Einnig er lagt til við væntanlega sveitarstjórn að hafin verði undirbúningur að vatnsöflun á svokölluðum köldum svæðum í sveitarfélaginu. Þetta á bæði við kalt og heitt vatn því neysluvatn er víða mjög erfitt viðureignar og misjafnt að gæðum.
Jafnframt er því beint til nýrrar sveitarstjórnar að hún beiti sér fyrir stórbættum vetrarsamgöngum í Svarfaðar- og Skíðadal þar sem snjómokstursviðmið Vegagerðarinnar í dreifbýli eru löngu úrelt og heyra fortíðinni til, sbr. erindi sem sent var til stjórnmálaleiðtoga fyrir síðustu Alþingiskosningar.

Landbúnaðarráð óskar eftir því að Vegagerðin sendi út tilkynningu árlega til sveitarfélaga þar sem minnt er á umsóknarfrest vegna styrkumsókna, sérstaklega þegar um breytingu á tímasetningu er að ræða.
Samþykkt samhljóða með fjórum atkvæðum.