Félagsmálaráð

Trúnaðarmál - 202205047


Bókað í trúnaðarmálabók

Tekið fyrir erindi dags 31.10.2022 frá 1045 fundi byggðaráðs. Þar er bókað að farið hafi verið yfir tillögur frá fagráðum og stjórnendum vegna breytinga á gjaldskrám á milli ára. Byggðaráð leggur til að allar gjaldskrár séu almennt eða að jafnaði hækkaðar um 9% í stað 4,9%

Á 260. fundi félagsmálaráðs sem haldinn var 08.09.2022 var erindi þetta fyrst tekið fyrir, en leiðbeinendur í félagsstarfi 60 ára og eldri sem og öryrkja í Dalvíkurbyggð óskuðu eftir auknu fjármagni til að hægt verði að bjóða upp á þrjá opnunardaga í viku á Dalbæ í stað tveggja.

Á 260. fundi félagsmálaráðs dags. 08.09.2022 var erindi frá félagi eldri borgara fyrst tekið fyrir en þau óska eftir styrk til að betrumbæta í Mímisbrunni.

Tekin fyrir umsókn frá Dalvíkurbyggð í nóvembermánuði 2022 til Fjölmenningarseturs vegna endurgreiðslna úr ríkissjóði vegna aðstoðar við erlenda ríkisborgara.

Tekið fyrir erindi dags. 03.11.2022 frá Sambandi Íslenskra sveitarfélaga um endurgreiðslur vegna fjárhagsaðstoðar við erlenda ríkisborgara. Fram kemur í bréfi þessu að fjárhagsaðstoð sem nýtt er í ráðningarstyrki verði endurgreidd, með því skilyrði að fyrir liggi samningur á milli VMST, sveitarfélags og atvinnurekanda

Tekið fyrir erindi dags. 18.10.2022 frá Mennta- og barnamálaráðuneytinu en áformað er að veita framlag úr ríkissjóði til að standa straum af hluta kostnaðar sveitarfélaga vegna barna með fjölþættan vanda og/eða miklar þroska- og geðraskanir sem vistuð hafa verið utan heimilis árið 2022 á grundvelli laga nr. 38/2018 um þjónustu við fatlað fólk með langvarandi stuðningsþarfir. Mennta- og barnamálaráðuneytið hefur ákveðið að úthlutun fjármagns fyrir árið 2022 verði eins og fyrir árið 2021 bundinn við niðurstöðu sérfræðingateymis vegna barna með fjölþættan vanda, sbr. 20. gr. laga nr. 38/2018, m.v.t. til 21. gr. sömu laga. Um er að ræða börn sem sérfræðingateymið hefur staðfest að þurfi vegna fötlunar sinnar annars konar og meiri þjónustu en unnt er að veita á heimili fjölskyldna þeirra.
Um er að ræða einskiptisaðgerð vegna ársins 2022

Tekið fyrir erindi dags. 02.11.2022 frá Innviðaráðuneytinu sem vekur athygli á því að birt hefur verið í samráðsgátt stjórnvalda frumvarp til breytinga á lögum um Innheimtustofnun sveitarfélaga. Tilgangur frumvarpsins er að leggja til lágmarksbreytingar á lögum um Innheimtustofnun sveitarfélaga og öðrum lögum sem miða að því að færa innheimtu meðlaga frá sveitarfélögum til ríkisins.

Tekin fyrir skýrsla félagsþjónustu Dalvíkurbyggðar til Hagstofu Íslands um málefni fatlaðra fyrir árið 2021

Tekin fyrir skýrsla félagsþjónustu Dalvíkurbyggðar til Hagstofu Íslands um félagsþjónustu fyrir árið 2021.

Tekið fyrir erindi dags. 01.11.2022 frá Valdísi Ósk Jónsdóttur sem er að kynna Værð, sálfræði og ráðgjafarþjónustu. Boðið er upp á fjarviðtöl fyrir börn og unglinga. Tilgangur fjarþjónustunnar er að bjóða börnum, ungmennum og fullorðnum upp á aukið aðgengi að meðferð og ráðgjöf hjá löggildum sálfræðingum. Værð sérhæfir sig í fjarviðtölum sem fara fram í gegnum myndfundi þar sem skjólstæðingur og sálfræðingur eiga í samskiptum á öruggan hátt í gegnum veraldarvefinn.