Félagsmálaráð

Trúnaðarmál - 202112038

Bókað í trúnaðarmálabók

Tekinn fyrir rafpóstur dags. 02.03.2022 frá nefndarsviði Alþingis. Til umsagnar er tillaga til þingsályktunar um búsetuöryggi í dvalar- og hjúkrunarrýmum, 51. mál

Tekinn fyrir rafpóstur dags. 11.03.2022 frá Félagsmálaráðuneytinu. Sérstakir styrkir voru veittir vegna íþrótta- og tómstundastarfs barna á haustönn 2021 fyrir börn sem búa á tekjulægri heimilum, fæddum á árunum 2006-2015.

Tekið fyrir erindi frá Sambandi íslenskra sveitarfélaga dags. 30.03.2022. Á fundi stjórnar Sambands íslenskra sveitarfélaga sem haldinn var 25. mars 2022 var lagt fram til kynningar bréf sambandsins til mennta- og barnamálaráðherra varðandi gildistöku barnaverndarlaga. Ráðherra hefur fallist á að fresta gildistöku ákvæða í lögum sem fjalla um barnaverndarþjónustu og umdæmisráð en leggur jafnframt áherslu á að sá frestur sem veittur er nýtist til að skipuleggja fyrirkomulag umdæmisráða.

Tekinn fyrir rafpóstur dags. 09.03.2022 frá Háskóla Íslands, stofnun stjórnsýslufræða og stjórnmála, þar sem vakin er athygli á nýútkominni skýrslu um reynslu og viðhorf kjörinna fulltrúa í bæjar- og sveitarstjórnum á Íslandi

Þann 17.03.2022 var erindið tekið fyrir í byggðarráði og var eftirfarandi bókað þar:
Byggðaráð felur sviðsstjóra fjármála- og stjórnsýslusviðs að senda skýrsluna til kjörinna fulltrúa Dalvíkurbyggðar.

Tekinn fyrir rafpóstur dags. 03.03.2022 frá Barnaheill. Hjólasöfnun Barnaheilla hófst með formlegum hætti þann 1. mars sl. Er um að ræða ellefta skiptið sem söfnunin fer fram og hefur verið gott samstarf við félagsþjónustur landsins og hjálparsamtaka sem hafa úthlutað í kringum 3.000 reiðhjólum til barna og ungmenna sem ekki hafa tök á að eignast hjól með öðrum hætti.

Tekinn fyrir rafpóstur dags. 30.03.2022 frá Sambandi íslenskra sveitarfélaga. Þessi póstur var sendur til stjórnenda velferðarþjónustu á landsbyggðinni. Útlendingastofnun óskar eftir því að fá að koma þeim skilaboðum á framfæri við einstaklinga sem sækja um vernd úti á landi að þeir snúi sér til félagsþjónustu þess sveitarfélags þar sem þeir dvelja til að fá afhent gögn frá Útlendingastofnun. Þetta fyrirkomulag myndi stytta umsækjandanum sporin og tryggja jafnframt að viðkomandi sveitarfélag fær snemma upplýsingar um dvöl umsækjandans í sveitarfélaginu.

Sviðsstjóri félagsmálasviðs fór yfir fjárhagsstöðu félagsmálasviðs fyrir árið 2022 sem og frávikagreiningu ársins 2021