Félagsmálaráð

Trúnaðarmál - 202106024

Bókað í trúnaðarmálabók

Tekin fyrir drög að samningi við Dalbæ um dagþjónustu aldraðra fyrir árin 2020-2023.

Tekið fyrir rafbréf dags 19. maí 2021 frá Ríkisendurskoðun þar sem óskað er eftir að stjórnsýsluúttekt á framkvæmd laga nr. 38/2018 um þjónustu við fatlað fólk. Erindinu var svarað sameiginlega af þjónustusvæði málefna fatlaðra í Dalvíkurbyggð og Fjallabyggð.

Tekið fyrir rafbréf dags. 12. maí 2021 frá nefndarsviði Alþingis þar sem óskað er eftir tillögu til þingsályktunar um barnvænt Ísland - framkvæmd barnasáttmála Sameinuðu þjóðanna, mál 762. mál.

Tekið fyrir rafbréf dags. 19. maí 2021 frá nefndarsviði Alþingis þar sem óskað er eftir til umsagnar tillögu til þingsályktunar um nýja velferðarstefnu fyrir aldraða, 720. mál.

Tekið fyrir rafbréf frá Félagsmálaráðuneytinu dagsett 1. júní 2021 um fræðsluefni í málefnum fatlaðs fólks fyrir starfsfólk í félagsþjónustu. Fræðsluefni er í formi fyrirlestra og glærukynninga auk annars efnis sem unnið var af Menntavísindastofnun í samstarfi við fagaðila með víðtæka reynslu og þekkingu á þessu sviði. Verkefnið er liður í Framkvæmdaáætlun í málefnum fatlaðs fólks 2017-2021 þar sem markmiðið er að auka og dýpka þekkingu starfsfólks í félagsþjónustu á málefnum fatlaðs fólks, réttindum, heilsutengdum þörfum, samskiptaleiðum o.s.frv.

Tekið fyrir rafbréf dagsett 1. júní 2021, um að félagsmálaráðuneytið er búið að gefa út starfsleyfi fyrir Ylfu ehf, kt. 560307-2330. Starfsleyfið byggir á 10. gr. laga um félagsþjónustu sveitarfélaga nr. 40/1991 og 7. gr. laga um þjónustu við fatlað fólk með langvarandi stuðningsþarfir nr. 38/2018 ásamt reglugerðum um starfsleyfi fyrir þjónustuna nr. 1320/2020 og nr. 856/2020.
Starfsleyfið gildir til að reka stuðnings- og stoðþjónustu skv. 26. gr. laga um félagsþjónustu sveitarfélaga og 8. gr. laga um þjónustu við fatlað fólk með langvarandi stuðningsþarfir, í öllum sveitarfélögum á Íslandi. Gildistími starfleyfisins er til 31.maí 2024.

Tekið fyrir rafbréf dags 10. maí 2021 frá Félagsmálaráðuneytinu þar sem upplýst er um breytingar er varða samskipti ríkis og sveitarfélaga vegna endurgreiðslna úr ríkissjóði á grundvelli 15. gr. laga um félagsþjónustu sveitarfélaga, nr. 40/1991 og á grundvelli 5. og 6. tl. 15. gr. barnaverndarlaga nr. 80/2002. Frá 13. maí nk. tekur Fjölmenningarsetur við samskiptum við sveitarfélög vegna verkefna sem tengjast þessum lagaákvæðum af Gæða- og eftirlitsstofnun félagsþjónustu og barnaverndar.

Tekinn fyrir rafpóstur dags. 01.06.2021 frá Sambandi Íslenskra sveitarfélaga og Öryrkjabandalaginu um aðgengisfulltrúa. Sveitarfélög eru hvött til að ráða til sín námsmenn til sumarstarfa sem hafa það verkefni að vinna að aðgengismálum hjá sveitarfélögunum. Áherslan verður fyrst og fremst á manngert umhverfi eða byggingar og útisvæði. Í framkvæmdaáætlun um málefni fatlaðs fólks 2017-2021 er hvatt til þess að sveitarfélög og aðrir opinberir aðilar skipi aðgengisfulltrúa. Hlutverk þeirra er að sjá til þess að gerðar séu úttektir á aðgengi þ.e. á þjónustu og starfsemi viðkomandi sveitarfélags í víðum skilningi.
Félagsmálasvið er í samstarfi við umhverfissvið vegna ráðningar námsmanna í sumarstarfi til að gera slíka úttekt.

Tekin fyrir stöðuskýrsla teymis um uppbyggingu félags- og atvinnumála í kjölfar COVID-19 frá 28.05.2021

Tekin fyrir stöðuskýrsla fjárhagsáætlunar félagsmálasviðs fyrir árið 2021