Byggðaráð

Tekið fyrir bréf frá Greiðri leið ehf., bréf dagsett þann 12. júní 2013, þar sem boðað er til aðalfundar föstudaginn 28. júní n.k. kl. 13:00.

Tekið fyrir bréf frá styrktarsjóði EBÍ, dagsett þann 11. júní 2013, þar sem gefinn er kostur á að senda inn umsóknir um styrki úr sjóðnum fyrir ágústlok n.k.
Umsóknir skulu vera vegna sérstakra framfaraverkefna á vegum sveitarfélaganna og skulu verkefnin falla undir reglur sjóðsins.

Tekið fyrir afrit af erindi slökkviliðsstjóra Dalvíkurbyggðar og Fjallabyggðar, dagsett þann 13. júní 2013, til Vegagerðarinnar um Múlagöng.

Fram kemur m.a. að vegna fyrirhugaðra endurbóta á Múlagöngum á næstunni þá vona bréfritarar að við þær endurbætur verði staðið þannig að verki að slysahætta verði lágmörkuð eins og hægt er. Vert er að minna Vegagerðina á þeirra ábyrgð gagnvart þeim vegfarendum sem um göngin fara, ef viðbragðsaðilar komast ekki á slysstað vegna skorts á búnaði í göngunum. Á meðan að ástand er svona varðandi öryggismál í göngunum að hálfu Vegagerðarinnar geta slökkviliðsstjórar Dalvíkurbyggðar og Fjallabyggðar ekki ábyrgst að slökkviliðin geti staðið að björgunaraðgerðum með góðu móti í göngunum.

Sveitarstjóri gerði byggðarráði grein fyrir fundi sem hún sótti ásamt formanni félagsmálaráðs miðvikudaginn 19. júní s.l. í Miðgarði. Til umfjöllunar var rekstur Byggðasamlags SSNV um málefni fatlaðra fyrir árið 2013.

Á 38. fundi menningarráðs þann 30. maí 2013 var eftirfarandi bókað:
Með fundarboði fylgdu drög að stefnumótun í menningarmálum á starfssvæði Eyþings sem unnin er af menningaráði Eyþings. Stefnan er hluti af svæðisbundinni sóknaráætlun 20/20.


Menningarráð gerir ekki athugasemdir en óskar eftir að byggðaráð taki stefnuna til umfjöllunar sér í lagi sjöunda lið stefnunnar.

Ofangreint til umræðu á fundi byggðarráðs.

Tekinn fyrir rafpóstur frá Helgu Íris Ingólfsdóttur, dagsettur þann 21. júní 2013, þar sem hún óskar lausnar sem fulltrúi Dalvíkurbyggðar í Umsjónarnefnd með Friðlandi Svarfdæla.

Með fundarboði byggðarráðs fylgdi tillaga að leiðbeiningum til stjórnenda vegna beiðna um aðgang að upplýsingum samkvæmt upplýsingalögum nr. 140/2012 ásamt tillögu að eyðublaði.

Sviðsstjóri fjármála- og stjórnsýslusviðs kynnti fyrir byggðarráði íbúagátt Dalvíkurbyggðar, Mín Dalvíkurbyggð, sem fór í loftið í gær 26.06.2013.