Byggðaráð

Undir þessum lið kom á fund byggðarráðs Þorsteinn K. Björnsson, sviðsstjóri umhverfis- og tæknisviðs, kl. 8:15.

Á 707. fundi byggðarráðs þann 11. september 2014 var eftirfarandi bókað:
Tekinn fyrir rafpóstur frá sveitarstjóra, dagsettur þann 9. september 2014 þar sem fram kemur að Gitta Unn Ármannsdóttir og Jónas Leifsson, Syðri-Haga, hafa óskað eftir riftun á samningi um jarðhitaréttindi á þeim forsendum að hann sé orðinn meira en 18 ára gamall og hefur ekki komist í framkvæmd.

Með fundarboði byggðarráðs fylgdi með afrit af umræddum samningi.
Með vísan til þess að byggðarráði var ekki kunnugt um ofangreindan samning þar sem hann er ekki til í skjalasafni Dalvíkurbyggðar samþykkir byggðarráð samhljóða með 3 atkvæðum að fela sveitarstjóra og sviðsstjóra að kanna hvort fleiri sambærilegir samningar séu til. Málið verði síðan afgreitt þegar þær upplýsingar liggja fyrir.

Sveitarstjóri upplýsti á fundinum að hann hafi falið sviðsstjóra umhverfis- og tæknisviðs að kanna hvort það væru til fleiri slíkir þinglýstir samningar um jarðhitaréttindi en niðurstaðan var að svo er ekki.

Sveitarstjóri og sviðsstjóri veitu- og hafnasviðs gerðu byggðarráði grein fyrir upplýsingafundi sínum með forsvarsmönnum Norðurorku, 21. október s.l., er varðar jarðhitaréttindi við Syðri-Haga, Ytri-Vík, Sólbakka og Víkurbakka og samningaviðræður Norðurorku hf. við landeigendur. Norðurorka hefur verið í formlegum viðræðum við ofangreinda landeigendur síðan í byrjun árs 2013.

Þorsteinn vék af fundi kl. 08:35.

Kristján Guðmundsson kom inn á fundinn að nýju undir þessum lið kl. 09:46.

Tekið fyrir erindi frá Hagstofu Íslands, bréf dagsett þann 14. október 2014, þar sem kynnt er tillaga í meðfylgjandi minnisblaði um skiptingu manntalsins 2011 í 40 talningarsvæði. Ef Dalvíkurbyggð hefur athugasemdir eða ábendingar við þessa landfræðilegu skiptingu á manntalsefninu er óskað eftir að þær berist fyrir 7. nóvember n.k.

Tekið fyrir erindi frá forsætisráðuneytinu, bréf dagsett þann 10. október 2014, þar sem óskað er eftir upplýsingum um framkvæmd verðhækkana. Markmið með þessu erindi er að afla upplýsinga um hvernig staðið sé að verðhækkunum á opinberum gjaldskrám og þjónustusamningum og hvernig þær verðbreytingar eru ákvarðaðar. Sérstök nefnd hefur verið starfandi frá 9. júlí s.l. er fjallar um ofangreint og óskar hún svara eigi síðar en 30. október n.k.

Sveitarstjóri og sviðsstjóri fjármála- og stjórnsýslusviðs kynntu drög að frumvarpi vegna starfs- og fjárhagsáætlunar 2015-2018 og helstu niðurstöður.

Lögð fram til kynningar 820. fundargerð stjórnar Sambands íslenskra sveitarfélaga frá 8. október s.l.