Byggðaráð

Tekinn fyrir rafpóstur frá framkvæmdastjóra afmælisnefndar vegna 100 ára afmælis kosningaréttar kvenna, dagsettur þann 12. ágúst 2014, þar sem fram kemur að sveitarfélög, stofnanir, skólar og söfn eru hvött til að minnast 100 ára kosningaréttar kvenna á næsta ári með sýningum, málþingum, fyrirlestrum og öðrum viðburðum það ár. Afmælisnefndinni þætti vænt um að heyra af því hvað Dalvíkurbyggð áformar að gera og verður það kynnt á heimasíðu afmælisnefndarinnar sem verður opnuð í haust.

Tekið fyrir bréf frá Jafnréttisstofu, dagsett þann 14. ágúst 2014, þar sem minnt er á skyldur sveitarfélaga samkvæmt jafnréttislögum nr. 10/2008 um jafna stöðu og jafnan rétt kvenna og karla er varðar sveitarstjórnir.

Tekið fyrir erindi frá Lögheimtunni ehf. / PACTA lögmönnum, bréf dagsett þann 11. ágúst 2014, þar sem fram kemur að PACTA lögmenn hafa áhuga á því að bjóða Dalvíkurbyggð lögmannsþjónustu.

Á 701. fundi byggðarráðs þann 26. júní 2014 var samþykkt samhljóða með 3 atkvæðum að fela sveitarstjóra og sviðsstjóra fjármála- og stjórnsýslusviðs að kanna mögulega samstarfsaðila um lögfræðiþjónustu fyrir Dalvíkurbyggð.

Tekið fyrir erindi frá Jóhanni Antonssyni, rafbréf dagsett þann 11. ágúst 2014, þar sem vísað er til áforma meirahluta sveitarstjórnar að rita útgerðasögu Dalvíkurbyggðar samkvæmt málefnasamningi meirihlutans.

Bréfritari lýsir yfir áhuga á því að taka ritun útgerðarsögu Dalvíkurbyggðar að sér og er tilbúinn til viðræðna við byggðarráð og/eða menningarráð um verkefnið, en samhljóða erindi hefur verið send menningarráði.

Með fundarboði byggðarráðs fylgdu gildandi siðareglur kjörinna fulltrúa í Dalvíkurbyggðar. Samkvæmt 9. lið reglnanna skulu siðareglur þessar teknar til umræðu í bæjarstjórn í upphafi hvers kjörtímabils og endurskoðaðar ef þörf þykir.

Með fundarboði byggðarráðs fylgdu drög að nýrri skjalastefnu fyrir Dalvíkurbyggð sem sviðsstjóri fjármála- og stjórnsýslusviðs og ritari / skjalastjóri hafa unnið að. Drögin hafa verið send til umsagnar forstöðumanns Héraðsskjalasafns Svarfdæla í Dalvíkurbyggð og búið er að taka tillit til ábendingar forstöðumannsins. Einnig voru drögin send til umsagnar framkvæmdarstjórnar.

Með fundarboði byggðarráðs fylgdu drög að forsendum Dalvíkurbyggðar vegna vinnu við starfs- og fjárhagsáætlun 2015-2018.

Sviðsstjóri fjármála- og stjórnsýslusviðs lagði fram og kynnti stöðumat stjórnenda Dalvíkurbyggðar fyrir janúar - júní 2014 hvað varðar starfs- og fjárhagsáætlun.

Almennt er staðan metin í lagi. Heilt yfir þarf að taka laun og launatengd gjöld til endurskoðunar með gerð viðauka vegna nýrra kjarasamninga.

Lögð fram til kynningar fundargerð frá 256. fundi stjórnar Eyþings frá 17. júlí 2014.