Byggðaráð

Til kynningar fjárhagslegt stöðumat málaflokka 2019 eftir að búið er að færa launakeyrslur desembermánaðar. Enn eru síðustu reikningar ársins að berast inn og unnið er að afstemmingum. Stefnt er að endurskoðunarvinnu fyrir ársreikning 2019 í febrúar.

Til kynningar viðmiðunarreglur Sambands íslenskra sveitarfélaga um framlög til stjórnmálaflokka, settar með vísan til 5. gr. 2 mgr. laga nr. 162/2006 með síðari breytingum.

Reglurnar eiga eingöngu við þau sveitarfélög þar sem bundnar hlutfallskosningar til sveitarstjórna eru viðhafðar. Um er að ræða viðmiðunarreglur og er sveitarfélögum í sjálfsvald sett hvort þau nýti sér þær.

Samkvæmt 7. gr. samþykkta Sambands íslenskra sveitarfélaga eru landsþingsfulltrúar sveitarfélaganna, formenn og framkvæmdastjórar landshlutasamtaka og sveitarfélaga boðaðir til XXXV. landsþings Sambandsins fimmtudaginn 26. mars nk. á Grand Hótel í Reykjavík.

Í 3.gr. reglugerðar um húsnæðisáætlanir sveitarfélaga skulu sveitarfélög skoða árlega hvort þörf sé á endurskoðun húsnæðisáætlunar með tilliti til þróunar eða breytinga sem orðið hafa á forsendum hennar síðastliðið ár. Uppfærðum húsnæðisáætlunum skal skila til Íbúðalánasjóðs eigi síðar en 1. mars ár hvert.

Núverandi húsnæðisáætlun var samþykkt í mars 2019 og gildir fyrir árin 2019-2027. Ef áætlunin á að vera lifandi og lýsandi þá þarf að yfirfara upplýsingar og uppfæra árlega.