Atvinnumála- og kynningarráð

Hlusta

12. fundur 07. október 2015 kl. 13:00 - 15:10 í Upsa á 3. hæð í Ráðhúsi Dalvíkur

Nefndarmenn

Freyr Antonsson Formaður
Sölvi H Hjaltason Varaformaður
Lilja Björk Ólafsdóttir Aðalmaður
Jón Steingrímur Sæmundsson Aðalmaður
Bára Höskuldsdóttir aðalmaður
Margrét Víkingsdóttir starfsmaður

Fundargerð ritaði: Margrét Víkingsdóttir upplýsingafulltrúi

Dagskrá

Sviðsstjóri fjármála- og stjórnsýslusviðs fjarverandi vegna annarra starfa.

1.Fyrirtækjaþing 2015

Málsnúmer 201501135 Vakta málsnúmer

Fyrirtækjaþing atvinnumála- og kynningarráðs verður nú haldið í 9. sinn. Fjallað hefur verið um málið á nokkrum fundum ráðsins en samþykkt hefur verið að umfjöllunarefni þingsins verði samvinna og samstarf fyrirtækja.

Inn á fundinn kom, í gegnum fundarsíma, Hannes Ottósson verkefnisstjóri hjá Nýsköpunarmiðstöð Íslands, kl.13:00 en Hannes hefur meðal annars sérþekkingu á fyrirtækja og hugmyndaþróun og nýsköpun og frumkvöðlum.

Hannes vék af fundi kl.13:20.

Atvinnumála- og kynningarráð samþykkir samhljóða með 5 atkvæðum að fyrirtækjaþingið verði haldið fimmtudaginn 5. nóvember kl. 13:00.

Upplýsingafulltrúa falið að ganga frá framkvæmd þingsins miðað við umræður á fundinum.

2.Atvinnustefna Dalvíkurbyggðar

Málsnúmer 201405182 Vakta málsnúmer

Undanfarið hefur atvinnumála- og kynningarráð rætt um gerð atvinnustefnu fyrir sveitarfélagið en upplýsingafulltrúi hefur unnið að henni í samræmi við umræður í ráðinu. Í henni kemur meðal annars fram hvernig aðkoma sveitarfélagsins að atvinnulífinu getur verið en drög þess efnis hafa verið lögð fyrir ráðið.

Á 10. fundi ráðsins var upplýsingafulltrúa falið að koma með nákvæmari drög að því hvernig sveitarfélagið getur komið að atvinnulífinu og fylgdu þau drög með fundarboði ráðsins.

Upplýsingafulltrúi fór yfir stöðu verkefnisins eins og það liggur fyrir núna.

Atvinnumála- og kynningarráð hefur fjallað um hver aðkoma Dalvíkurbyggðar að atvinnulífinu gæti verið og verður það kynnt samhliða því að lögð verður fram heildarstefna fyrir atvinnulífið.

Atvinnumála- og kynningarráð samþykkir með 5 atkvæðum að senda út spurningalista á fyrirtæki í sveitarfélaginu með það að markmiði að kanna núverandi stöðu atvinnumála í Dalvíkurbyggð.

Upplýsingafulltrúi vinnur áfram að verkefninu miðað við umræður á fundinum.

3.Trúnaðarmál

Málsnúmer 201509091 Vakta málsnúmer

Bókað í trúnaðarmálabók.

4.Upplýsingamiðstöð - skýrsla 2015

Málsnúmer 201508086 Vakta málsnúmer

Á 11. fundi atvinnumála- og kynningarráðs var meðal annars bókað; "Atvinnumála- og kynningarráð leggur til að það fjármagn sem veitt verður til upplýsingamiðstöðvar árið 2016 verði ekki minna en árið 2015. Umræður um fyrirkomulag verður haldið áfram á næsta fundi ráðsins".

Meðfylgjandi er samantekt á þeim hugmyndum sem ræddar hafa verið í sambandi við framtíðarskipulag á starfsemi upplýsingamiðstöðvar Dalvíkurbyggðar.

Upplýsingafulltrúa er falið að kanna hug ferðaþjónustuaðila varðandi framtíðarskipulag á starfsemi upplýsingamiðstöðvar Dalvíkurbyggðar.

Fundi slitið - kl. 15:10.