Veitu- og hafnaráð

Hlusta

32. fundur 10. júní 2015 kl. 07:30 - 10:15 í Upsa á 3. hæð í Ráðhúsi Dalvíkur

Nefndarmenn

Pétur Sigurðsson Formaður
Óskar Óskarsson Varaformaður
Anna Guðný Karlsdóttir Aðalmaður
Ásdís Svanborg Jónasdóttir Aðalmaður
Kristján Hjartarson Aðalmaður

Starfsmenn

Þorsteinn K. Björnsson Sviðstjóri
Gunnþór Eyfjörð Sveinbjörnsson Starfsmaður

Fundargerð ritaði: Þorsteinn K. Björnsson sviðsstjóri veitu- og hafnasviðs

Dagskrá

1.Samgönguáætlun fyrir árin 2014-2018.

Málsnúmer 201506041 Vakta málsnúmer

Í framhaldi af fundi sem umhverfis- og samgöngunefnd Alþingis boðaði til vegna endurskoðunar á samgönguáætlun 2014-2018 var óskað eftir erindi frá Dalvíkurbyggð um áherslur Hafnasjóðs í hafnagerð. Í framhaldi þá sendi sviðsstjóri, að höfðu samráði við formann ráðsins og sveitarstjóra, meðfylgjandi erindi.

Veitu- og hafnaráð staðfestir framlagða umsókn til umhverfis- og samgöngunefnar Alþingis.

2.Fyrirmynd af umhverfisstefnu fyrir hafnir

Málsnúmer 201505087 Vakta málsnúmer

Umhverfis- og öryggisnefnd hafnasambandsins hefur útbúið fyrirmynd af umhverfisstefnu fyrir hafnir sem hafnasjóðir geta nýtt sér í sinni vinnu. Vert er að benda á að hafnasjóðir geta hugsanlega haft samstarf um gerð umhverfisstefnu.

Ofangreind umhverfisstefna lögð fram til kynningar. Sviðsstjóra falið að bera hana saman við gildandi umhverfisstefnu hafna í Dalvíkurbyggð.

3.Fundargerðir Hafnasambandsins 2015

Málsnúmer 201501125 Vakta málsnúmer

Fyrir fundinum lá fundargerð stjórnar Hafnasambands Íslands sem haldinn var 22. maí 2015.

Fundargerðinn lögð fram til kynningar.

Í 3. tl. fundargerðarinnar kemur eftirfarandi fram:

"Hafnasamband Íslands skorar á ráðherra og umhverfis- og samgöngunefnd að auka fjármagn til framkvæmda í höfnum. Fjölmargar hafnir eru komnar í viðhaldsþörf og mikilvægt er að í samgönguáætlun og fjárlögum næstu ára verði tryggt fjármagn til framkvæmda til að tryggja öryggi sjófarenda. Nauðsynlegt er að það liggi fyrir mat á forgangsröðun verkefna sem verði unnið í samstarfi við hafnirnar. Stjórn Hafnasambands Íslands telur einnig að aukin gjöld á útgerðir í gegnum veiðigjöldin eigi að renna að hluta til, til hafnarsjóðanna svo hægt sé að viðhalda þeim innviðum sem eru mikilvægir svo útgerð geti haldið áfram að blómstra."

Veitu- og hafnaráð Dalvíkurbyggðar tekur undir ofangreinda bókun.

4.Fjárhags- og starfsáætlun fyrir árið 2015.

Málsnúmer 201409041 Vakta málsnúmer

Sviðstjóri kynnti fyrir ráðsmönnum stöðu framkvæmda ársins.

Kynning á framkvæmdum.

Fundi slitið - kl. 10:15.