Sveitarstjórn

Á 258. fundi sveitarstjórnar þann 15. apríl 2014 var ársreikningur Dalvíkurbyggðar 2013 tekinn til fyrri umræðu og samþykkt samhljóða að vísa honum til síðari umræðu í sveitarstjórn.

Til máls tók:
Svanfríður Inga Jónasdóttir.
Guðmundur St. Jónsson.

Á 258. fundi sveitarstjórnar þann 15.apríl 2014 var tillaga um breytingar á Samþykkt um stjórn Dalvíkurbyggðar tekin til fyrri umræðu. Sveitarstjórn samþykkti samhljóða að vísa breytingartilögunni til síðari umræðu í sveitarstjórn.

Til máls tók:
Svanfríður Inga Jónasdóttir.

Á 698. fundi byggðarráðs þann 15. maí 2014 var samþykkt samhljóða tillaga að heildarviðauka I 2014 eins og hann liggur fyrir með áorðnum breytingum sem gerðar voru á fundinum.

Með fundarboði sveitarstjórnar fylgdi tillaga að viðauka við fjárhagsáætlun Dalvíkurbyggðar 2014-2017 í fjárhagsáætlunarlíkani.

Áætluð rekstrarniðurstaða A- og B-hluta með viðauka er kr. 72.101.000 í stað kr. 68.178.000.
Áætluð rekstrarniðurstaða A-huta með viðauka er kr. 26.098.000 í stað kr. 47.113.000 áður.

Áætluð lántaka 2014 er kr. 40.000.000, sem er vegna viðhaldsframkvæmda við Dalbæ, var áður áætlað kr. 210.000.000.
Áætlaðar fjárfestingar í varanlegum rekstrarfjárnum er kr. 156.201.000, var áður áætlað kr. 310.530.000.

Til máls tóku:
Svanfríður Inga Jónasdóttir.
Kristján E. Hjartarson, sem færði samstarfsmönnum í sveitarstjórn og sveitarstjóra þakkir fyrir samstarfið.

Á 698. fundi byggðarráðs þann 15. maí 2014 var tillaga að fjárhagsramma 2015 tekin fyrir og hún samþykkt samhljóða.

Með fundarboði sveitarstjórnar fylgdi tillaga að fjárhagsramma 2015 vegna vinnu við starfs- og fjárhagsáætlun 2015-2018.

Miðað við gefnar forsendur gerir tillagan ráð fyrir jákvæðum afgangi A-hluta að upphæð kr.53.813.000 og jákvæðum afgangi A- og B- hluta að upphæð kr. 85.740.000.

Fjárfestingar og framkvæmdir alls eru áætlaðar kr. 308.805.000.

Til máls tóku:
Svanfríður Inga Jónasdóttir, um fjárhagsrammann.
Sveitarstjóri færði samstarfsmönnum í sveitarstjórn þakkir fyrir gott samstarf á undanförnum árum.
Jóhann Ólafsson, um fjárhagsrammann.
Jóhann Ólafsson, sem færði samstarfsmönnum í sveitarstjórn þakkir fyrir farsælt samstarf sem og starfsfólki Dalvíkurbyggðar.
Óskar Óskarsson, sem þakkaði samstarfið í sveitarstjórn.
Valdís Guðbrandsdóttir, sem tekur undir þakkir um gott samstarf.
Anna Guðný Karlsdóttir, sem þakkar fyrir samstarfið.
Guðmundur St. Jónsson, sem þakkar samstarfið.

Sveitarstjórn færir sveitarstjóra bestu þakkir fyrir gott og farsælt samstarf og starf í þágu sveitarfélagsins á undanförnum árum.
Sveitarstjórn færir einnig sviðsstjórum og stjórnendum þakkir fyrir samstarfið.