Sveitarstjórn

Með fundarboði sveitarstjórnar fylgdi eftirfarandi tillaga vegna kosninga til sveitarstjórnar laugardaginn 31. maí 2014:

a)
Umboð til byggðarráðs Dalvíkurbyggðar til að staðfesta kjörskrá vegna kosninga til sveitarstjórnar sem fram fara þann 31. maí 2014 og fullnaðarumboð til að úrskurða um athugasemdir.

Sveitarstjórn samþykkir að veita byggðarráði fullnaðarumboð til að ganga frá kjörskrá vegna kosninga til sveitarstjórnar sem fram fara þann 31. maí 2014. Jafnframt veitir sveitarstjórn byggðarráði fullnaðarumboð til að úrskurða um athugasemdir sem kunna að berast vegna framlagðrar kjörskrár sbr. ákv. 10. gr. laga um kosningar til sveitarstjórna nr. 5. frá 6. mars 1998 með síðari breytingum.

b)
Ákvörðun sveitarstjórnar um fjölda kjördeilda og kjörstaði vegna kosninga til sveitarstjórnar 31. maí 2014, sbr. 13. gr. IV. kafla laga um kosningar til sveitarstjórna nr. 5 frá 6. mars 1998 og sbr. 44 gr. IX. kafla sömu laga um kosningar til sveitarstjórna.

Sbr. 13. og 44. gr. laga um kosningar til sveitarstjórnar nr. 5 frá 6. mars 1998 með síðari breytingum samþykkir sveitarstjórn eina kjördeild í Dalvíkurbyggð og verður hún í Dalvíkurskóla, líkt og verið hefur undanfarnar kosningar.

Tekið fyrir rafbréf frá stjórn Róta bs., dagsett þann 27. mars 2014, er varðar þjónustusamning sveitarfélaga um málefni fatlaðs fólks skv. 3.gr. samþykkta fyrir byggðasamlagið Rætur bs. Þjónustusamningur lýsir útfærslu þjónustunnar, fjárhagslegri og faglegri umgjörð hennar og er meðfylgjandi. Óskað er eftir afgreiðslu sveitarstjórnar á samningnum.

Til máls tóku:
Svanfríður Inga Jónasdóttir.

Á 695. fundi byggðarráðs þann 10. apríl 2014 var ársreikingur Dalvíkurbyggðar 2013 lagður fram og samþykkti byggðarráð að vísa ársreikningnum til fyrri umræðu í sveitarstjórn.

Með fundarboði sveitarstjórnar fylgdi ársreikningur Dalvíkurbyggðar 2013.

Til máls tóku:
Svanfríður Inga Jónasdóttir, sem gerð grein fyrir helstu niðurstöðum og forsendum.
Jóhann Ólafsson, sem leggur til eftirfarandi ályktun:
Sveitarstjórn samþykkir að fela byggðarráði og sviðsstjóra fjármála- og stjórnsýslusviðs, eftir ábendingu endurskoðanda, að fara yfir vinnuferli innheimtu hjá Dalvíkurbyggð.


Helstu niðurstöður eru:

Rekstrarniðurstaða samantekin A og B hluti; kr. 78.889.000. Fjárhagsáætlun 2013 gerði ráð fyrir kr. 23.769.000 jákvæðri rekstrarniðurstöðu.
Rekstrarniðurstaða A- hluta (Aðalsjóður og Eignasjóður) kr. 36.003.000 Fjárhagsáætlun 2013 gerði ráð fyrir neikvæðri rekstrarniðurstöðu að upphæð kr. - 11.677.000.
Rekstrarniðurstaða Aðalsjóðs er kr. 38.012.000. Fjárhagsáætlun 2013 gerði ráð fyrir neikvæðri rekstrarniðurstöðu að upphæð kr. -15.996.000.
Handbært fé frá rekstri samantekið A- og B- hluti: kr. 267.574.000.
Fjárfestingar í varanlegum rekstrarfjármunum kr. 170.162.000.
Tekin ný langtímalán kr. 80.000.000.
Afborganir langtímalána kr. 126.739.000.
Veltufjárhlutfall samstæðu er 1,18 og skuldahlutfall án lífeyrisskuldbindinga eftir 2028 er 83,3%.

Á 694. fundi byggðarráðs þann 3. apríl 2014 samþykkti byggðarráð tillögu að skipuriti Dalvíkurbyggðar með áorðnum breytingum sem gerðar voru á fundinum.

Á 694. fundi byggðarráðs þann 03.04.2014 var til umfjöllunar tillaga frá sveitarstjóra að breytingum á 46. gr. Samþykkta um stjórn Dalvíkurbyggðar er varðar fastanefndir, aðrar nefndir, stjórnir og ráð sem sveitarfélagið á aðild að.

Til máls tók:
Svanfríður Inga Jónasdóttir, sem gerði grein fyrir tillögu að breytingum á Samþykktum á stjórn Dalvíkurbyggðar nr. 206/2013, sbr. meðfylgjandi tillaga með fundarboði sveitarstjórnar.