50 ára afmæli Dalvíkurkaupstaðar

Til máls tóku:

Eyrún Ingibjörg Sigþórsdóttir, sveitarstjóri sem leggur til eftirfarandi bókun:

"Kaupstaðarréttindi Dalvíkur-ferlið.
Ferlið við umsókn Dalvíkur um kaupstaðarréttindi voru á þá leiðina að 2.apríl 1974 voru þrír menn kosnir til þess að gera uppkast að bæjarsamþykkt fyrir Dalvík. Þann 5.apríl 1974 voru afgreidd lög á Alþingi um kaupstaðarréttindi handa Dalvíkurhreppi, þau voru síðan staðfest af forseta Íslands 10. apríl sama ár. Þann 18. apríl kom hreppsnefnd saman til að ákveða hvað ættu að vera margir bæjarfulltrúar og var samþykkt einróma að 7 skyldu þeir vera. Þessi fundur 18.apríl var síðasti fundur hreppsnefndar Dalvíkurhrepps því næsti fundur sem var haldinn þann 30.apríl var talinn bæjarstjórnarfundur. Alls urðu bæjarstjórnarfundirnir þrír fram að kosningum sem haldnar voru 26. maí. Fjórir listar voru þá í kjöri í fyrstu bæjarstjórnarkosningum Dalvíkur. Það voru A-listi óháðra kjósenda, D-listi Sjálfstæðisflokks, G-listi Alþýðubandalagsfélags Dalvíkur og I-listi Framsóknarmanna og samtaka frjálslyndra og vinstri manna. Fyrstu kosningarnar fóru svo:
A-listi Hallgrímur Antonsson
D-listi Aðalsteinn Loftsson
G-listi Rafn Arnbjörnsson
I-listi Jóhann Antonsson
I-listi Hilmar Daníelsson
I-listi Bragi Jónsson
I-listi Helgi Jónsson

Þann 1. júní kom fyrsta bæjarstjórn Dalvíkur saman til fundar Hilmar Daníelsson var þá kosinn forseti bæjarstjórnar og Jóhann Antonsson varaforseti. Það var svo vilji meirihluta bæjarstjórnar að Valdimar Bragason yrði starfsmaður sveitarstjórnar og var hann því ráðinn fyrsti bæjarstjóri Dalvíkur kaupstaðar. "

Fleiri tóku ekki til máls.

Lagt fram til kynningar.