Fjárhagsáætlun 2024; Erindi vegna hjólasígs

Málsnúmer 202305062

Vakta málsnúmer

Byggðaráð - 1072. fundur - 29.06.2023

Tekið fyrir erindi frá Gittu Unn Ármannsdóttur fyrir hönd fleiri íbúa sem undirrita erindið, dagsett þann 8. maí 2023, þar sem vísað er til samþykktar byggðaráðs frá 13. apríl sl. um að áhersla verði lögð á lagningu hjólastígs samhliða lagningu jarðstrengs frá Árskógarskóla til Dalvíkur. Jafnframt var lagt til að gengið yrði frá yfirlýsingu og samningi við þá landeigendur sem heimila lagningu hjólastíg á landi þeirra þrátt fyrir að hann kæmi ekki fyrr en eftir einhver ár. Undirrituð óska eftir að ákvörðunin verði endurskoðuð með það að markmiði að öll Árskógsströnd verði tengd saman í fyrsta áfanga. Meðfylgjandi er rökstuðningur í 4 liðum.
Byggðaráð samþykkir samhljóða með 3 atkvæðum að vísa ofangreindu erindi til umhverfis- og dreifbýlisráðs vegna vinnu við fjárhagsáætlun 2024.
Byggðaráð vill ítreka að stígurinn er í hönnun í heild sínni og stígurinn verður lagður alla leið þegar samþykki fæst frá öllum landeigendum sem hlut eiga að máli. Fyrir liggur að tveir landeigendur sunnan Árskógarskóla hafa hafnað því að stígurinn verði lagður og ákvörðun sem vísað er til er tekin á grundvelli þess.

Umhverfis- og dreifbýlisráð - 11. fundur - 07.07.2023

Tekið fyrir erindi dagsett 7. maí 2023, frá Gittu Unn Ármannsdóttur þar sem færð eru rök fyrir mikilvægi þess að gerður sé hjólastígur alla leið frá Dalvík að sveitarfélagsmörkum með lagningu Dalvíkurlínu 2.
Umhverfis- og dreifbýlisráðs tekur undir bókun byggðarráðs frá 3. júlí 2023 þar sem ítrekað er að stígurinn sé í hönnun í heild sínni og að stígurinn verði lagður alla leið þegar samþykki fæst frá öllum landeigendum sem hlut eiga að máli. Fyrir liggur að tveir landeigendur sunnan Árskógarskóla hafa hafnað því að stígurinn verði lagður og ákvörðun byggðaráðs sem vísað er til er tekin á grundvelli þess.
Erindinu er vísað í fjárhagsáætlun 2024-2026.
Smþykkt samhljóða með fimm atkvæðum.