Umsókn um lóð við þegar byggða götu

Málsnúmer 202212064

Vakta málsnúmer

Skipulagsráð - 5. fundur - 14.12.2022

Með umsókn, dagsettri 8. desember 2022, óskar EGO hús ehf. eftir lóðunum við Svarfaðarbraut 19-25 á Dalvík.
Skipulagsráð felur framkvæmdasviði að gera tillögu að lóðablaði fyrir lóðir austan Svarfaðarbrautar. Umrætt svæði er innan landnotkunarreits 313-ÍB í aðalskipulagi Dalvíkurbyggðar 2008-2020.Samkvæmt aðalskipulagi er heimild fyrir þrjú einbýlishús eða fjögurra íbúða raðhús. Við stofnun lóðanna verður farið eftir 44. gr. skipulagslaga nr. 123/2010 um grenndarkynningu. Í framhaldi verða lóðirnar auglýstar lausar til umsóknar.
Samþykkt samhljóða með fimm atkvæðum.

Skipulagsráð - 6. fundur - 11.01.2023

Tekið fyrir erindi frá Ottó Biering Ottóssyni fyrir hönd EGO húsa ehf., dagsett 6. janúar 2023 þar sem óskað er eftir enduskoðun á afgreiðslu skipulagsráðs þann 14. desember 2022 vegna umsóknar félagsins um lóð Svarfaðarbraut 19-25, en niðustaða ráðsins var að framkvæmdasviði var falið að gera tillögu að lóðablaði fyrir umræddar lóðir og við stofnun lóðanna verður farið eftir 44. gr. skipulagslaga nr. 123/2010 um grenndarkynningu. Í framhaldi verða lóðirnar auglýstar lausar til umsóknar.
Erindið lagt fram til kynningar og umræðu. Miðað við fyrirliggjandi gögn sér Skipulagsráð ekki ástæðu til að breyta fyrri bókun ráðsins og felur sviðsstjóra framkvæmdasviðs og bæjarlögmanni að svara erindinu.
Samþykkt samhljóða með fimm atkvæðum.

Sveitarstjórn - 354. fundur - 17.01.2023

Á 6. fundi skipulagsráðs þann 11. janúar sl. var eftirfarandi bókað:
"Tekið fyrir erindi frá Ottó Biering Ottóssyni fyrir hönd EGO húsa ehf., dagsett 6. janúar 2023 þar sem óskað er eftir enduskoðun á afgreiðslu skipulagsráðs þann 14. desember 2022 vegna umsóknar félagsins um lóð Svarfaðarbraut 19-25, en niðustaða ráðsins var að framkvæmdasviði var falið að gera tillögu að lóðablaði fyrir umræddar lóðir og við stofnun lóðanna verður farið eftir 44. gr. skipulagslaga nr. 123/2010 um grenndarkynningu. Í framhaldi verða lóðirnar auglýstar lausar til umsóknar.Niðurstaða:Erindið lagt fram til kynningar og umræðu. Miðað við fyrirliggjandi gögn sér Skipulagsráð ekki ástæðu til að breyta fyrri bókun ráðsins og felur sviðsstjóra framkvæmdasviðs og bæjarlögmanni að svara erindinu. Samþykkt samhljóða með fimm atkvæðum."
Til máls tók forseti sveitarstjórnar sem leggur fram eftirfarandi tillögu:
Sveitarstjórn samþykkir að ráðast í vinnu við deiliskipulag íbúðasvæðis 313-Íb við Svarfaðarbraut á Dalvík samkvæmt gildandi aðalskipulagi.

Einnig tóku til máls:
Felix Rafn Felixson.
Lilja Guðnadóttir.



Fleiri tóku ekki til máls.

Sveitarstjórn samþykkir með 5 atkvæðum ofangreinda tillögu forseta sveitarstjórnar, Felix Rafn Felixson og Lilja Guðnadóttir greiða atkvæði á móti.