Bæklingar og annað fræðsluefni á heimasíðu Kvennaathvarfsins

Tekið fyrir erindi dags. 17. apríl 2019 frá Kvennaathvarfi. Meðfylgjandi bréfinu voru eintök af bæklingum sem Kvennaathvarfið hefur látið útbúa fyrir einstaklinga sem til félagsþjónustunnar leita. Bæklingarnir bera nafnið: Fyrir hverja er kvennaathvarfið, þýddur á 7 tungumál. Börn sem búa við ofbeldi á heimilum, á íslensku og ensku og bæklingur sem ber nafnið Skiptu þér af!.
Bæklingarnir eru einnig aðgengilegir undir flipanum "fræðsluefni" á heimasíðu athvarfsins: www.kvennaathvarf.is. Mikið er til af fræðsluefni á heimasíðunni svo sem skilgreiningar á heimilisofbeldi, rannsóknir og efni tengt börnum og heimilisofbeldi. Hluti efnisins hefur verið þýddur á arabísku, ensku, pólsku, rússnesku, spænsku og tælensku. Sérstaklega er bent á teiknimyndina "Tölum um ofbeldi" sem Kvennaathvarfið lét gera en markmið hennar er að koma ákveðnum skilaboðum til barna og einnig að gera þann hóp barna sem býr við heimilisofbeldi sýnilegra í samfélaginu.