Sparkvöllur í Árskógi

Við gerð fjárhagsáætlunar fyrir árið 2015 var ákveðið að vísa umræðu um gerð sparkvallar í Árskógi til fjárhagsáætlunarvinnu fyrir árið 2016. Ungmennafélagið Reynir hefur sent inn áætlaðan kostnað vegna byggingar sparkvallar. Áætlaður kostnaður er um 16 milljónir.

Íþrótta- og æskulýðsráð samþykkir að vísa þessu til vinnu við fjárhagsáætlunargerð fyrir árið 2017. Samhliða þeirri vinnu verði Ungmennafélagið kallað á fund ráðsins og farið yfir það með hvaða hætti Ungmennafélagið gæti komið að þessu verkefni. Einnig verði kannað hvort hægt verði að fá styrki frá utanaðkomandi aðilum, t.d. KSÍ eða ÍSÍ.