Námsferðir 2012

a)  Gísli Bjarnason skólastjóri Dalvíkurskóla sagði frá ferð sinni með starfsmönnum Dalvíkurskóla til Finnlands. Starfsmenn skiptust í hópa og farið var í heimsóknir í fjölmenna og fámenna skóla, setið í kennslustundum, spjallað við kennara og skólastjórnendur og aðstaða skoðuð. Einnig voru upplýsingafundir um finnska skólakerfið hjá forsvarsmönnum skólamála í sveitarfélaginu (Borgo).

Gísli sagði einnig frá Comeniusarverkefni sem Dalvíkurskóli tekur þátt í með sex öðrum evrópskum skólum. Viðfangsefni verkefnisins snýst um umhverfismál.

b) Ármann Einarsson skólastjóri Tónlistarskólans sagði frá ferð sinni með starfsmönnum Tónlistarskólans til Eistlands. Kaldo fyrrverandi skólastjóri skipulagði ferðina og starfsmennirnir heimsóttu tvo tónlistarskóla og listaskóla. Þeir hittu þar starfsmenn og ræddu um störf þeirra og aðstæður. Skólarnir eru mjög ólíkir þeim tónlistarskólum sem við þekkjum, til dæmis eru þar mjög ströng inntökupróf og miklar kröfur. Það sem skildi mest eftir sig í þessari ferð voru samverustundir starfsmanna og samræður um starfið.

c)    Hildur Ösp Gylfadóttir sviðstjóri Fræðslu- og menningarsviðs sagði frá ferð sinni til Skotlands með starfsmönnum skólaskrifstofa. Tilgangur ferðarinnar var að skoða og kynnast skoska skólakerfinu, fara í skólaheimsóknir, á fyrirlestra og á stóra námsgagnasýningu. Hildur Ösp sagði eins og Ármann, að það sem upp úr stæði eftir ferðina væru gefandi samræður ferðafélaga um skólamál. Við þá sköpuðust einnig tengsl sem nýtast vel þegar heim er komið.