Byggðaráð Dalvíkurbyggðar - 919

Málsnúmer 1909010F

Vakta málsnúmer

Sveitarstjórn - 317. fundur - 31.10.2019

Til afgreiðslu
1. liður
3. liður
8. liður

Liðir 7 og 10 eru sér liðir á dagskrá.
  • .1 201909061 Fjármálaráðstefna sveitarfélaga 2019
    Tekinn fyrir rafpóstur frá Sambandi íslenskra sveitarfélaga, dagsettur 11. september 2019, upplýsingar um Fjármálaráðstefnu sveitarfélaga 2019 sem haldinn verður 3. - 4. október í Reykjavík. Byggðaráð Dalvíkurbyggðar - 919 Byggðaráð samþykkir samhljóða með 2 atkvæðum að Gunnþór Eyfjörð Gunnþórsson, Jón Ingi Sveinsson, Dagbjört Sigurpálsdóttir og sveitarstjóri sæki fundinn. Niðurstaða þessa fundar Samþykkt Bókun fundar Sveitarstjórn samþykkir samhljóða með 7 atkvæðum ofangreinda afgreiðslu byggðaráðs.
  • .2 201909073 Upplýsingabeiðni vegna skýrslu um samkeppnisrekstur opinberra aðila
    Tekinn fyrir rafpóstur frá Atvinnuvega- og nýsköpunarráðuneytinu dagsettur 3. september 2019, beiðni um upplýsingar um tengsl sveitarfélagsins við aðila í atvinnurekstri vegna skýrslu um samkeppnisrekstur opinberra aðila. Beðið er um að upplýsingar verði sendar ráðuneytinu eigi síðar en 1. október nk. Byggðaráð Dalvíkurbyggðar - 919 Byggðaráð samþykkir samhljóða með 2 atkvæðum að vísa erindinu til Atvinnumála- og kynningarráðs og upplýsingafulltrúa. Niðurstaða þessa fundar Lagt fram til kynningar Bókun fundar Lagt fram til kynningar.
  • .3 201402123 Deiliskipulag Fólkvangs
    Börkur Þór Ottósson, sviðsstjóri umhverfis- og tæknisviðs, kom inn á fundinn undir þessum lið kl. 08:16 og sat fundinn undir liðum 3 og 4.

    Á 918. fundi byggðaráðs þann 12. september 2019 var eftirfarandi bókað:
    "Tekið fyrir erindi frá sviðsstjóra umhverfis- og tæknisviðs, dagsett 9. september 2019, samantekt vegna tilboðs í fornleifaskráningu. Samkvæmt nýjum reglum um fornminjaskráningu þarf mun ítarlegri skráningu en þá sem til er fyrir bæði deiliskipulag Fólkvangsins og eins sumarbústaðabyggðina að Hamri. Óskað er eftir því að kostnaður vegna þessarar vinnu verði færður á lykla 09230, deiliskipulag og 09240, aðalskipulag þar sem vinna við fyrrgreind skipulög strandar á fornminjaskráningunni.
    Byggðaráð frestar afgreiðslu og óskar eftir því að sviðsstjóri umhverfis- og tæknisviðs komi á næsta fund ráðsins til að fara yfir málið."

    Börkur fór yfir nýjar reglur um fornminjaskráningu og nauðsyn þess að farið sé í skráningu áður en deiliskipulagsvinnu lýkur. Einnig stöðu á vinnu við deiliskipulög í sveitarfélaginu og endurskoðun aðalskipulags.     Byggðaráð Dalvíkurbyggðar - 919 Byggðaráð samþykkir samhljóða með 2 atkvæðum að kostnaður vegna fornleifaskráningar í Böggvisstaðafjalli fari á 09240, aðalskipulag, og komi til framkvæmda á árinu 2019. Gert sé ráð fyrir kostnaði við fornleifaskráningu í sumarbústaðabyggðinni að Hamri á næsta fjárhagsári. Niðurstaða þessa fundar Samþykkt Bókun fundar Sveitarstjórn samþykkir samhljóða með 7 atkvæðum ofangreinda afgreiðslu byggðaráðs.
  • .4 201905117 Endurnýjun á slökkvibíl
    Vilhelm Anton Hallgrímsson, slökkviliðsstjóri, kom inn á fundinn undir þessum lið kl. 08:42.

    Á 917.fundi byggðaráðs þann 5. september 2019 var meðal annars eftirfarandi bókað vegna endurnýjunar á slökkvibíl sem vísað var til gerðar fjárhagsáætlunar 2020-2023:
    "Slökkviliðsstjóra hafa borist óformleg tilboð vegna verðkönnunar sem hann sendi út og voru þau kynnt á fundinum.
    Byggðaráð samþykkir samhljóða með 3 atkvæðum að fá slökkviliðsstjóra á fund byggðaráðs til að fara yfir málið."

    Slökkviliðsstjóri fór yfir kosti og galla hinna ýmsu leiða við kaup á nýjum slökkvibíl.

    Börkur og Vilhelm viku af fundi kl. 09:10.     Byggðaráð Dalvíkurbyggðar - 919 Byggðaráð samþykkir samhljóða með 2 atkvæðum að fela slökkviliðsstjóra að vinna áfram í málinu. Einnig samþykkir byggðaráð að fara í heimsókn á Slökkvistöð Dalvíkur og skoða búnað og aðstæður. Niðurstaða þessa fundar Lagt fram til kynningar Bókun fundar Lagt fram til kynningar.
  • .5 201905027 Starfs- og fjárhagsáætlun 2020 og þriggja ára áætlun 2021-2023
    a) Farið yfir yfirlit launaáætlunar og stöðugildi.

    Rúna Kristín Sigurðardóttir, launafulltrúi kom inn á fundinn undir 5. lið a) kl. 09:13.

    Rúna fór yfir launaáætlun og stöðugildi sem liggja að baki fjárhagsrömmum til stjórnenda.

    Rúna vék af fundi kl. 09:36.

    b) Ákvörðun um aukafundi byggðaráðs vegna fjárhagsáætlunarvinnu.

    Rætt um tímasetningar á aukafundum byggðaráðs á næstunni.
     Byggðaráð Dalvíkurbyggðar - 919 a) Byggðaráð þakkar launafulltrúa fyrir yfirferðina.

    b) Byggðaráð samþykkir að aukafundir vegna vinnu við fjárhagsáætlun verði sem hér segir:
    7. október kl. 16:00
    8. október kl. 16:00
    9. október kl. 16:00     Niðurstaða þessa fundar Lagt fram til kynningar Bókun fundar Lagt fram til kynningar.
  • .6 201909086 Fjárhagsáætlun 2019; heildarviðauki II
    Sveitarstjóri kynnti samantekt um viðauka við fjárhagsáætlun 2019 sem samþykktir hafa verið eftir gerð heildarviðauka I. Byggðaráð Dalvíkurbyggðar - 919 Byggðaráð samþykkir samhljóða með 3 atkvæðum að fela sveitarstjóra að taka saman heildarviðauka II við fjárhagsáætlun 2019 svo að hann fari fyrir næsta fund sveitarstjórnar til umfjöllunar og afgreiðslu. Niðurstaða þessa fundar Lagt fram til kynningar Bókun fundar Lagt fram til kynningar.
  • .7 201909084 Beiðni um viðauka við fjárhagsáætlun vegna sérfræðiþjónustu.
    Tekið fyrir erindi frá sveitarstjóra, beiðni um viðauka við fjárhagsáætlun 2019 við deild 21, fjármála- og stjórnsýslusvið,kr. 2.610.000. Ástæðan er vegna veikinda starfsmanna, þörf á aðkeyptri sérfræðiþjónustu vegna vinnu við fjárhagsáætlun 2020 og þriggja ára áætlun. Byggðaráð Dalvíkurbyggðar - 919 Byggðaráð samþykkir samhljóða með 3 atkvæðum ofangreindan viðauka við deild 21010, fjármála- og stjórnsýslusvið, sérfræðiþjónusta, að upphæð kr. 2.610.000, viðauki nr. 28/2019. Niðurstaða þessa fundar Lagt fram til kynningar Bókun fundar Lagt fram til kynningar. Er sér liður á dagskrá.
  • .8 201905113 Samstarfsvettvangur sveitarfélaganna fyrir heimsmarkmiðin og loftslagsmál
    Sveitarstjóri upplýsti um 2. fund samstarfsvettvangs sveitarfélaga fyrir heimsmarkmiðin og loftslagsmál sem haldinn var í Kópavogi föstudaginn 13. september. Sveitarstjóri sat fundinn í streymi. Byggðaráð Dalvíkurbyggðar - 919 Byggðaráð samþykkir samhljóða með 3 atkvæðum að í starfs- og fjárhagsáætlun 2020 verði hafin vinna að stefnumörkun sveitarfélagsins vegna Heimsmarkmiða Sameinuðu þjóðanna. Niðurstaða þessa fundar Samþykkt Bókun fundar Sveitarstjórn samþykkir samhljóða með 7 atkvæðum ofangreinda afgreiðslu byggðaráðs.
  • .9 201908044 Trúnaðarmál
    Byggðaráð Dalvíkurbyggðar - 919 Bókað í trúnaðarmálabók
  • .10 201909083 Beiðni um viðauka v. launa og tölvubúnaðar
    Tekið fyrir erindi frá skólastjóra Dalvíkurskóla, dagsett 13. september 2019, beiðni um launaviðauka við deild 04210, Dalvíkurskóla, vegna langtímaveikinda starfsmanna að upphæð kr. 2.600.697.

    Einnig beiðni um viðauka fyrir sömu deild vegna kaupa á tölvum, prentara og hugbúnaði kr. 1.250.000. Beiðninni fylgdi rökstuðningur ásamt ósk um að viðaukanum verði mætt með lækkun á handbæru fé.

    Gísli Bjarnason vék af fundi kl. 10:45.     Byggðaráð Dalvíkurbyggðar - 919 Byggðaráð samþykkir samhljóða með 3 atkvæðum launaviðauka við deild 04210, Dalvíkurskóla, að upphæð kr. 2.600.697 skv. ofangreindu erindi. Viðauki nr. 29/2019, viðaukanum verði mætt með lækkun á handbæru fé.


    Byggðaráð frestar viðaukabeiðni vegna kaupa á tölvum, prentara og hugbúnaði og óskar eftir nánari upplýsingum frá skólastjóra Dalvíkurskóla og tölvuumsjónarmanni um nýtingu tölvubúnaðarins sem fyrir er ásamt framtíðarsýn um notkun tölvutækni í skólastarfi og þróun kennsluhátta.     Niðurstaða þessa fundar Lagt fram til kynningar Bókun fundar Lagt fram til kynningar. Er sér liður á dagskrá.
  • .11 201907066 Félagsmálaráðherra kynnir tillögur til þess að styrkja húsnæðismarkað á landsbyggðinni
    Undir þessum lið mætti á fundinn Soffía Guðmundsdóttir frá Leigufélaginu Bríeti kl. 10:46.

    Á 914. fundi byggðaráðs þann 15. ágúst 2019 var eftirfarandi bókað:
    "Með fundarboði fylgdi rafpóstur frá Íbúðalánasjóði dagsettur 25. júlí 2019 þar sem kynnt eru áform félags- og barnamálaráðherra um að breyta lögum og reglugerðum í þeim tilgangi að styrkja húsnæðismarkaðinn á landsbyggðinni og koma til móts við áskoranir sem fjölmörg sveitarfélög standa frammi fyrir í húsnæðismálum. Tillögur ráðherra eru settar fram í þremur liðum og snúa þær að stofnkostnaði íbúðabygginga, fjármögnun þeirra og leiðum til þess að efla leigumarkað með hagkvæmt leiguhúsnæði. Með fundarboði fylgdu einnig hugmyndir frá sveitarstjóra vegna svokallaðra kaldra markaðssvæða til kynningar og umræðu á fundinum.
    Byggðaráð samþykkir samhljóða með 3 atkvæðum að fela sveitarstjóra að skoða leiðir til mögulegrar uppbyggingar á svokölluðum köldum markaðssvæðum í sveitarfélaginu."

    Soffía kynnti starfsemi og tilgang Leigufélagsins Bríetar. Rætt um stöðu húsnæðismála í Dalvíkurbyggð.

    Soffía Guðmundsdóttir vék af fundi kl. 11:25.
     Byggðaráð Dalvíkurbyggðar - 919 Byggðaráð þakkar Soffíu fyrir góða kynningu. Byggðaráð felur sveitarstjóra og byggingarfulltrúa að vinna málið áfram og koma síðar á fund ráðsins með frekari upplýsingar. Niðurstaða þessa fundar Lagt fram til kynningar Bókun fundar Lagt fram til kynningar.

    Enginn tók til máls um fundargerðina og annað í fundargerðinni þarfnast ekki afgreiðslu sveitarstjórnar. Liðir 7 og 10 eru sér liðir á dagskrá. Þeir liðir sem ekki þarfnast afgreiðslu eru lagðir fram til kynningar í sveitarstjórn.