Landbúnaðarráð

Farið yfir áætlanir um endurnýjun og viðhald á fjallgirðingum í Dalvíkurbyggð 2021.

Til umræðu ákvörðun um fjallskil og göngur haustið 2021. Samkvæmt fyrri samþykktum er gert ráð fyrir að fyrstu göngur í Svarfaðardalsdeild, Dalvíkurdeild og Árskógsdeild verði aðra helgi í september sem er 10.-12. og seinni göngur í öllum deildum viku síðar sem er 17.-19.
Hrossasmölun og eftirleit í Skíðadalsafréttum verði fyrstu helgina í október sem er 1.-2.

Tekið fyrir erindi frá Bóasi Ævarssyni, dagsett 13. apríl 2021, þar sem komið er á framfæri kvörtunum yfir lausagöngu og óþrifnaði vegna hunda og katta á Dalvík.

Lagðar fram til kynningar þrjár umsóknir sem sendar voru inn fyrir hönd Dalvíkurbyggðar í Styrkvegasjóð Vegagerðarinnar, en umsóknarfrestur rann út 23. apríl sl.

Farið yfir stöðu bókhalds fyrir svið landbúnaðarmála hjá Dalvíkurbyggð.

Með bréfi dagsettu 2. mars 2021 frá Jafnréttisstofu og Sambandi íslenskra sveitarfélaga kemur eftirfarandi fram:
Í desember 2020 voru samþykkt á Alþingi tvenn ný lög sem lúta að jafnréttismálum
og leysa þau af hólmi lög um jafna stöðu og jafnan rétt kvenna og karla nr. 10/2008.
Nýju lögin eru annars vegar lög um stjórnsýslu jafnréttismála nr. 151/2020 og hins
vegar lög um jafna stöðu og jafnan rétt kynjanna nr. 150/2020.