Íþrótta- og æskulýðsráð

Farið var yfir skýrslu vinnuhóps um Frístund sem var skilað í apríl á síðasta ári. Í þessari skýrslu er að finna útfærslur á 10-12 ára starfi í félagsmiðstöð sem og sumarnámskeiðum. SViðsstjóri er að vinna starfslýsingu sem verður lögð fyrir Byggðaráð í þessari viku.

Fjallað var um sumarnámskeið undir liðnum hér að ofan "Frístund - 202211126"

Á vorfundinum verður rætt um fræðsluefni fyrir íþróttafélögin, öflun upplýsinga úr sakaskrá og sameiginlegan starfsmann fyrir íþróttafélögin. Þá verður einnig tekin staðan á Sportabler málum.
Fundurinn hefst kl. 16:30. Ráðið mun funda kl. 15:30 til að undirbúa fundinn.

Lagt fram til kynningar aðsóknartölur íþróttamiðstöðvar síðustu tvö ár.

Föstudaginn 8. mars sl. var haldin söngkeppni Samfés á Norðurlandi sem kallast NorðurOrg. Um er að ræða forkeppni fyrir aðalsöngkeppni Samfés sem fram fer á Samfestingnum í maí ár hvert og fyrst allir eru mættir saman þá er haldið ball á eftir.

Félagsmiðstöðvar á Norðurlandi skiptast á að halda þennan viðburð og var nú komið að Félagsmiðstöðinni Dallas. Keppnin var haldin í íþróttahúsinu á Dalvík og þangað mættu um 500 ungmenni. Frá Norðurlandi komast fimmm atriði áfram í lokakeppnina og voru fulltrúar félagsmiðstöðvarinnar Dallas, þær Írena Rut Jónsdóttir og Lea Dalstein Ingimarsdóttir eitt af þeim fimm atriðum og munu því keppa fyrir okkar hönd í Laugardalshöllinni 4. maí nk.

Íþrótta- og æskulýðsráð óskar Írenu og Leu til hamingju með árangurinn og óskar þeim góðs gengis í maí. Einnig þakkar ráðið fyrir vel undirbúna framkvæmd sem og skemmtilegan viðburð í Dalvíkurbyggð.