Íþrótta- og æskulýðsráð

Samkvæmt reglum um kjör á íþróttamanni ársins eru það aðal- og varamenn í íþrótta- og æskulýðsráði sem kjósa til móts við kosningu íbúa.

Byrjað var á því að fara yfir og ræða allar tilnefningar og ábendingar, að því loknu fór fram leynileg kosning.

Eftirfarandi tilnefningar bárust:

Andrea Björk Birkisdóttir - Skíðafélag Dalvíkur

Amanda Guðrún Bjarnadóttir - Golfklúbburinn Hamar

Elín Björk Unnarsdóttir - Sundfélagið Rán

Sveinn Margeir Hauksson - Knattspyrna - Dalvík/Reynir

Svavar Örn Hreiðarsson - Hestamannafélagið Hringur

Einnig sendi Kraftlyftingarfélag Akureyrar inn ábendingu um Ingva Örn Friðriksson. Íþrótta- og æskulýðsráð samþykkir með 5 atkvæðum að tilnefna einnig Ingva Örn til kjörs á íþróttamanni ársins.

Lögð fram drög að samningum við íþróttafélögin. Íþrótta- og æskulýðsfulltrúi er búinn að kynna samningsdrögin fyrir félögunum. Farið yfir þær athugasemdir sem komu fram og lagfærðar í samningum. Stefnt er að því að skrifa undir samningana á hátíðarfundi ráðsins þriðjudaginn 14. janúar 2020.