Fræðsluráð

230. fundur 10. október 2018 kl. 08:00 - 10:30 í Upsa á 3. hæð í Ráðhúsi Dalvíkur
Nefndarmenn
  • Gunnþór Eyfjörð Gunnþórsson formaður
  • Felix Rafn Felixson varaformaður
  • Þórhalla Karlsdóttir aðalmaður
  • Dagbjört Sigurpálsdóttir aðalmaður
  • Steinunn Jóhannsdóttir varamaður
Starfsmenn
  • Hlynur Sigursveinsson sviðsstjóri
  • Fjóla Dögg Gunnarsdóttir starfsmaður
  • Dóróþea Guðrún Reimarsdóttir starfsmaður
Fundargerð ritaði: Fjóla Dögg Gunnarsdóttir kennsluráðgjafi
Dagskrá
Sigríður Jódís Gunnarsdóttir boðaði forföll og Steinunn Jóhannsdóttir mætti í hennar stað. Gísli Bjarnason, skólastjóri Dalvíkurskóla og Guðríður Sveinsdóttir, fulltrúi starfsmanna grunnskóla sátu fundinn undir liðum 1-9. Jónína Garðarsdóttir, skólastjóri Árskógarskóla og Bjarni Jóhann Valdimarsson, fulltrúi foreldra nemenda í Árskógarskóla, sátu fundinn undir liðum 1-10. Guðrún Halldóra Jóhannsdóttir, skólastjóri Krílakots, Arna Arngrímsdóttir, fulltrúi starfsmanna leikskóla sátu fundinn undir liðum 1-4. Jónína Guðrún Jónsdóttir fulltrúi foreldra grunnskólabarna í Dalvíkurskóla mætti ekki og enginn kom í hennar stað.

1.Tilmæli Persónuverndar vegna notkunar samfélagsmiðla í skólastarfi

Málsnúmer 201810026Vakta málsnúmer

Hlynur Sigursveinsson, sviðsstjóri, kynnti tilmæli Persónuverndar vegna notkunar samfélagsmiðla í skólastarfi. Tilmælin fylgdu fundarboði.
Lagt fram til kynningar.

2.Yfirlit yfir lögmælt verkefni sveitarfélaga

Málsnúmer 201809095Vakta málsnúmer

Hlynur Sigursveinsson, sviðsstjóri, fór yfir verkefni er varða leik- og grunnskóla sem sveitarfélögum er skylt að sinna samkvæmt lögum.
Lagt fram til kynningar.

3.Fjárhagslegt stöðumat- málaflokkur 04

Málsnúmer 201810035Vakta málsnúmer

Hlynur Sigursveinsson, sviðsstjóri fræðslu- og menningarsviðs, lagði fram fjárhagslegt stöðumat á málaflokk 04 - janúar til og með september 2018.
Lagt fram til kynningar og umræðu.

4.Úttektir á heimasíðum fræðslu- og menningarsviðs 2018

Málsnúmer 201810022Vakta málsnúmer

Úttekt sem gerð var í júlí 2018 á heimasíðum Árskógarskóla, Dalvíkurskóla, Krílakots og fræðslu- og menningarsviðs kynnt.
Lagt fram til kynningar.
Guðrún Halldóra Jóhannsdóttir og Arna Arngrímsdóttir fóru af fundi kl.08:30

5.Gæðastarf í grunnskólum

Málsnúmer 201810033Vakta málsnúmer

Gunnþór Eyfjörð Gunnþórsson formaður fræðsluráðs og Hlynur Sigursveinsson, sviðsstjóri fræðslu-og menningarsviðs, kynntu nýja skýrslu Menntamálastofnunar sem ber heitið Gæðastarf í grunnskólum-viðmið og framkvæmd ytra mats grunnskóla.
Lagt fram til kynningar.

6.Viðbrögð við ófullnægjandi skólasókn

Málsnúmer 201810025Vakta málsnúmer

Hlynur Sigursveinsson, sviðsstjóri fræðslu og menningarsviðs, kynnti gögn sem hægt er að nýta sem viðmið í vinnu við samræmd viðbrögð grunnskóla við ófullnægjandi skólasókn.
Fræðsluráð leggur til að mótaðar verði sameiginlegar reglur í báðum grunnskólunum og óskar eftir því að sviðsstjóri fræðslu og menningarsviðs leggi drög að þeim fyrir næsta fund ráðsins.

7.Þátttaka Dalvíkurskóla í þróun prófa og skimana Lesferils 2018-2020

Málsnúmer 201810024Vakta málsnúmer

Gísli Bjarnason, skólastjóri Dalvíkurskóla, kynnti þátttöku Dalvíkurskóla í stöðlun á þeim hluta Lesferils sem snýr að réttritun í 3.-10.bekk, mati á lestraráhugahvöt og sumaráhrifum á lesfimi í 1.-10.bekk. Verkefnið stendur yfir næstu tvö ár. Alls taka 39 skólar þátt í þessari forvinnu.

Lagt fram til kynningar.

8.Úthlutun úr námsgagnasjóði 2018

Málsnúmer 201809082Vakta málsnúmer

Hlynur Sigsveinsson, sviðsstjóri fræðslu-og menningarsviðs, kynnti úthlutun úr Námsgagnasjóði fyrir skólaárið 2018-2019. Árskógarskóli fékk 32.659 og Dalvíkurskóli 278.640 en úthlutun sjóðsins tekur mið af fjölda skráðra nemenda í hverjum grunnskóla. Ráðstöfun fjárins einskorðast við kaup á námsgögnum frá lögaðilum öðrum en Menntamálastofnun.
Lagt fram til kynningar.

9.2018_Erasmus , Robotication - styrkveiting til Dalvíkurskóla

Málsnúmer 201810027Vakta málsnúmer

Gísli Bjarnason, skólastjóri Dalvíkurskóla, kynnti verkefnið Robotication sem Erasmus hefur samþykkt að styrkja.
Verkefnastjóri er Guðný Sigríður Ólafsdóttir og samstarfslönd eru Pólland, Ítalía, Finnland og Eistland.
Lagt fram til kynningar.
Gísli Bjarnason og Guðríður Sveinsdóttir fóru af fundi 09:10.

10.Þróunarverkefni Menntamálastofnunar-Snemmtæk íhlutun með áherslu á málþroska og læsi

Málsnúmer 201808056Vakta málsnúmer

Hlynur Sigursveinsson, sviðsstjóri fræðslu-og menningarsviðs, sagði frá því að umsókn um þátttöku í þróunarverkefni Menntamálastofnunar-snemmtæk íhlutun með áherslu á málþroska og læsi, sem fræðsluráð samþykkti á fundi sínum 22.ágúst 2018, var hafnað.
Lagt fram til kynningar.
Bjarni Jóhann Valdimarsson og Jónína Garðarsdóttir fóru af fundi 09:11.

11.Matarkostnaður í grunnskólum

Málsnúmer 201810039Vakta málsnúmer

Hlynur Sigursveinsson, sviðsstjóri fræðslu-og menningarsviðs, lagði fram minnisblað um verð á máltíðum til starfsmanna grunnskóla í nokkrum sveitarfélögum.
Lagt fram til kynningar og umræðu. Fræðsluráð samþykkir með fimm atkvæðum að verð á máltíðum til starfsmanna grunnskóla verði óbreytt frá því sem nú er.

12.Yfirferð og endurskoðun á erindisbréfum fagráða

Málsnúmer 201511132Vakta málsnúmer

Á 229. fundi fræðsluráðs var erindisbréf fræðsluráðs yfirfarið og tillögur að breytingum ræddar. Með fundarboði fylgdu drög að nýju erindisbréfi.
Nýtt erindisbréf fyrir fræðsluráð Dalvíkurbyggðar samþykkt með fimm atkvæðum.

13.Heimsóknir fræðsluráðs í leik- og grunnskóla

Málsnúmer 201810023Vakta málsnúmer

Fræðsluráð fór í kynnisferð í leikskólann Krílakot og skoðaði húsakynni, aðstöðu og starfsemi þar.
Fræðsluráð þakkar Krílakoti fyrir góðar móttökur.

14.Starfslok Dóróþeu Reimarsdóttur kennsluráðgjafa

Málsnúmer 201810041Vakta málsnúmer

Dóróþea Reimarsdóttir kennsluráðgjafi sat í dag sinn síðasta fund í fræðsluráði en hún lætur formlega af störfum 31.október þó síðasti starfsdagur sé í dag 10.10.2018.
Fræðsluráð þakkar Dóróþeu fyrir vel unnin störf og framlag hennar til menntamála en hún hefur starfað við skólamál í Dalvíkurbyggð frá árinu 1981.

Fundi slitið - kl. 10:30.

Nefndarmenn
  • Gunnþór Eyfjörð Gunnþórsson formaður
  • Felix Rafn Felixson varaformaður
  • Þórhalla Karlsdóttir aðalmaður
  • Dagbjört Sigurpálsdóttir aðalmaður
  • Steinunn Jóhannsdóttir varamaður
Starfsmenn
  • Hlynur Sigursveinsson sviðsstjóri
  • Fjóla Dögg Gunnarsdóttir starfsmaður
  • Dóróþea Guðrún Reimarsdóttir starfsmaður
Fundargerð ritaði: Fjóla Dögg Gunnarsdóttir kennsluráðgjafi