Fræðsluráð

229. fundur 12. september 2018 kl. 08:00 - 10:30 í Upsa á 3. hæð í Ráðhúsi Dalvíkur
Nefndarmenn
  • Gunnþór Eyfjörð Gunnþórsson formaður
  • Felix Rafn Felixson varaformaður
  • Þórhalla Karlsdóttir aðalmaður
  • Sigríður Jódís Gunnarsdóttir aðalmaður
  • Dagbjört Sigurpálsdóttir aðalmaður
Starfsmenn
  • Dóróþea Guðrún Reimarsdóttir starfsmaður
  • Hlynur Sigursveinsson sviðsstjóri
Fundargerð ritaði: Dóróþea Reimarsdóttir/Fjóla Dögg Gunnarsdóttir Starfsmenn Fræðslu og menningarsviðs
Dagskrá
Jónína Garðarsdóttir skólastjóri Árskógarskóla sat fundinn undir liðum 1 og 2.
Guðrún Halldóra Jóhannsdóttir skólastjóri Krílakots og Arna Arngrímsdóttir, fulltrúi starfsmanna leikskóla sátu fundinn undir liðum 1-5.
Gísli Bjarnason skólastjóri Dalvíkurskóla sat fundinn undir liðum 1-4 og Guðríður Sveinsdóttir, fulltrúi starfsmanna grunnskóla sat fundinn undir liðum 1-3.
Fjóla Dögg Gunnarsdóttir nýráðinn kennsluráðgjafi á fræðslusviði sat allan fundinn. Fræðsluráð býður Fjólu Dögg velkomna til starfa.

1.Starfs- og fjárhagsáætlun Fræðslu- og menningarsviðs 2019

Málsnúmer 201809029Vakta málsnúmer

Fundarboði fylgdu drög að starfsáætlun Skólaskrifstofu, Dalvíkurskóla, Frístundar, Árskógarskóla og Krílakots.
Lagt fram til kynningar og umræðu. Drögin verða uppfærð í samræmi við umræður á fundinum og skilað 17. september til sviðsstjóra fjármála- og stjórnsýslusviðs.

2.Ráðning grunnskólakennara við Árskógarskóla

Málsnúmer 201809034Vakta málsnúmer

Á 875. fundi Byggðaráðs Dalvíkubyggðar var tekin fyrir beiðni um ráðningu umsjónarkennara í 100% starf við Árskógarskóla. Byggðaráð samþykkti beiðnina og heimilaði Jónínu Garðarsdóttur, skólastjóra Árskógarskóla að auglýsa starfið.
Lagt fram til kynningar.

Jónína Garðarsdóttir fór af fundi kl.8:57.

3.Skólanámskrár/starfsáætlanir Dalvíkurskóla og Krílakots

Málsnúmer 201806067Vakta málsnúmer

Gísli Bjarnason skólastjóri Dalvíkurskóla lagði fram og kynnti skólanámskrá og starfsáætlun Dalvíkuskóla fyrir skólaárið 2018-2019. Guðrún Halldóra Jóhannsdóttir skólastjóri Krílakots lagði fram og kynnti skólanámskrá og starfsáætlun Krílakots fyrir skólaárið 2018-2019.
Námskrárnar og starfsáætlanirnar fylgdu fundarboði.
Fræðsluráð samþykkir skólanámskrá/starfsáætlun Dalvíkurskóla með fimm atkvæðum og skólanámskrá/starfsáætlun Krílakots með fimm atkvæðum með þeim fyrirvara að ábendingum sem komu fram á fundinum verði fylgt eftir. Ákveðið að framvegis verði skólanámskrár/starfsáætlanir lagðar fyrir á júnífundi fræðsluráðs.
Guðríður Sveinsdóttir fór af fundi kl.9:15

4.Uppsögn - kennarastaða Dalvíkurskóli 2018

Málsnúmer 201808086Vakta málsnúmer

Gísli Bjarnason, skólastjóri Dalvíkurskóla, kynnti uppsögn Heiðars Davíðs Bragasonar íþróttakennara. Fræðsluráð hafði á 223. fundi sínum, 14.febrúar 2018, heimilaði að veita honum launalaust leyfi skólaárið 2018-2019.
Lagt fram til kynningar.
Gísli Bjarnason fór af fundi kl.9:20.

5.Umbóta og aðgerðaáætlun - Krílakot 2018

Málsnúmer 201809030Vakta málsnúmer

Hlynur Sigursveinsson og Guðrún Halldóra Jóhannsdóttir lögðu fram og kynntu umbóta og aðgerðaáætlun fyrir Krílakot. Áætlunin var unnin út frá skýrslu Vinnuverndar sem lögð var fyrir Fræðsluráð á 225. fundi þess 11.apríl 2018.
Lagt fram til kynningar og umræðu. Fræðsluráð óskar eftir því að stöðuskýrsla verði lögð fyrir ráðið í nóvember 2018.
Guðrún Halldóra Jóhannsdóttir og Arna Arngrímsdóttir fóru af fundi kl. 09:40

6.Skólamatur - Breyting á kostnaðarskiptingu

Málsnúmer 201809031Vakta málsnúmer

Í málefna- og samstarfssamningi sveitarstjórnar Dalvíkurbyggðar kjörtímabilið 2018-2022 kemur fram að í ljósi góðrar rekstrarafkomu sveitarfélagsins undanfarið ætlar sveitarfélagið að hækka mótframlag sitt til skólamáltíða grunnskólastigs í 50% frá næstu áramótum. Málið verður síðan endurskoðað við gerð fjárhagsáætlunar hvers árs.
Fræðsluráð samþykkir með fimm atkvæðum að leggja til við sveitarstjórn að frá og með 1.janúar 2019 verði kostnaðarþátttaka sveitarfélagsins í skólamat á grunnskólastigi 50% í stað 40% eins og nú er.

7.Gjaldskrár 2019 á málaflokk 04

Málsnúmer 201809032Vakta málsnúmer

Hlynur Sigursveinsson sviðsstjóri lagði fram gjaldskrár Dalvíkurskóla og leikskóla í Dalvíkurbyggð fyrir árið 2019.
Fræðsluráð samþykkir gjaldskrár fyrir málaflokk 04 með fimm atkvæðum. Tekið verður mið af gjaldskránum í vinnu við gerð fjárhagsáætlunar fyrir fjárhagsárið 2019.

8.Fjármálaskýrsla á málaflokk 04

Málsnúmer 201809033Vakta málsnúmer

Hlynur Sigursveinsson kynnti fjármálastöðu málaflokks 04 eins og hún var 31.ágúst 2018.
Lagt fram til kynningar.

9.Skólaakstur úr dreifbýli 2018/2019

Málsnúmer 201809035Vakta málsnúmer

Samkvæmt fyrirliggjandi samningi um skólaakstur úr dreifbýli 2017 - 2020 skal einingarverð á hvern ekinn kílómetra endurskoðað í upphafi skólaárs m.t.t. hækkunar á vísitölu neysluverðs. Fyrir liggur að einingarverð hækkar nú um 2,62% og að vegalengdir lengjast samtals um 7 kílómetra í Svarfaðardal og Skíðadal. Þetta leiðir af sér aukin kostnað við skólaakstur sem nemur 700 þúsundum á þessu fjárhagsári sem reynt verður að mæta innan ramma núgildandi fjárhagsáætlunar.

Lagt fram til kynningar.

Þórhalla Karlsdóttir fór af fundi kl. 10:00

10.Erindisbréf Fræðsluráðs

Málsnúmer 201809036Vakta málsnúmer

Erindisbréf fræðsluráðs lagt fram til yfirlestrar og endurskoðunar.
Erindisbréf fræðsluráðs yfirfarið og tillögur að breytingum ræddar. Fræðsluráð felur sviðsstjóra og kennsluráðgjafa að gera breytingar á grein þrjú um skipan fræðsluráðs. Drög að nýju erindisbréfi verði lögð fyrir fræðsluráð á næsta fundi þess.

Fundi slitið - kl. 10:30.

Nefndarmenn
  • Gunnþór Eyfjörð Gunnþórsson formaður
  • Felix Rafn Felixson varaformaður
  • Þórhalla Karlsdóttir aðalmaður
  • Sigríður Jódís Gunnarsdóttir aðalmaður
  • Dagbjört Sigurpálsdóttir aðalmaður
Starfsmenn
  • Dóróþea Guðrún Reimarsdóttir starfsmaður
  • Hlynur Sigursveinsson sviðsstjóri
Fundargerð ritaði: Dóróþea Reimarsdóttir/Fjóla Dögg Gunnarsdóttir Starfsmenn Fræðslu og menningarsviðs