Félagsmálaráð

Félagsmálastjóri lagði fram erindisbréf fyrir félagsmálaráð Dalvíkurbyggðar, til upprifjunar og yfirferðar.

Lagt var fram bréf frá Samanhópnum þar sem kynnt eru segulspjöld með útivistarreglunum á. Til að skilaboðin nái til flestra telur Saman hópurinn best að segulspjöldin séu send til heimila allra barna í 2. og 6. bekk. Félagsmálaráð hefur undanfarin ár sent slík spjöl inn á heimili fyrrgreindra bekkja.

Erindi barst frá Sjónarhóli dags. 9. okt sl. þar sem óskað er eftir stuðningi frá Dalvíkurbyggð. Frá stofnun Sjónarhóls hefur aðsóknin aukist jafnt og þétt en vegna breyttra aðstæðna í samfélaginu er rekstrarstaða Sjónarhóls orðin mjög erfið. Þjónusta Sjónarhóls er fyrir allt landið og er ætluð öllum, óháð aldri barnsins, einnig þeim sem eiga uppkomin börn. Ráðgjafar Sjónarhóls fara á fundi með foreldrum og fagfólki endurgjaldslaust.

Lagt var fram erindi frá Sambandi Íslenskra sveitarfélaga þar sem vakin er athygli á álitsgerð mennta- og menningarmálaráðuneytisins um ábyrgð aðila sem standa fyrir félags- og tómstundastarfi fyrir börn og unglinga.

Lagt fram bréf frá Mannréttindaskrifstofu Íslands en alþjóðlegt 16 daga átak gegn kynbundnu ofbeldi stendur yfir dagana 25. nóvember til 10. desember ár hvert. Markmið átaksins er að knýja á um afnám alls kynbundins ofbeldis. Óskað er eftir þátttöku sveitarfélagsins.

Lagt var fram bréf frá Velferðarnefnd Alþingis til umsagnar frumvarp til laga um málefni innflytjenda, 64. mál.

Félagsmálastjóri lagði frá bréf frá Grétu Sjöfn Guðmunsdóttur, verkefnisstjóra SSNV. Þjónustuhópur um málefni fatlaðra hefur unnið drög að reglum byggðarsamlagsins um notendastýrða persónulega aðstoð. Óskað er umsagnar frá félagsmálanefndum um drög þessi

Farið var yfir framkvæmdaáætlun sveitarfélagsins fyrir árin 2011-2014 til upprifjunar.

Félagsmálastjóri lagði fram bréf frá Helgu Írisi Ingólfsdóttur og Helga Einarssyni þar sem óskað er svara um starfssemi dagmæðra í sveitarfélaginu og úrræðaleysis þar sem engin dagmóðir er starfandi í augnablikinu.