Félagsmálaráð

Trúnaðarmál mál nr. 202403102

Bókað í trúnaðarmálabók

Trúnaðarmál nr 202312071

Bókað í trúnaðarmálabók

Trúnaðarmál 202404053


Bókað í trúnaðarmálabók

Tekinn fyrir rafpóstur sem vísað er til fagráða sveitarfélagsins úr Byggðaráði, 1.094 fundi sem haldinn var 26.01.2024. Í byggðaráði var tekinn fyrir rafpóstur frá verkefnastjóra SSNE, dagsettur þann 5. janúar þar sem fram koma fyrstu drög að innviðagreiningu sem sveitarstjóri óskaði eftir.

Lagt fram til kynningar rafpóstur frá 5. janúar 2024 frá Berglindi Magnúsdóttur sérfræðingi hjá Félags- og vinnumarkaðsráðuneytinu og verkefnastjóri verkefnisins "Gott að eldast". Fram kemur að í tenglsum við þróunarverkefni um samþætta heimaþjónustu, sem Dalvíkurbyggð tekur þátt í, hefur félags- og vinnumarkaðsráðherra ákveðið að gera samning við sveitarfélög um stöðugildi til eins árs. Stöðugildið hefur fengið nafnið Tengiráðgjafi. Helstu verkefnin eru aðgerðir til að koma í veg fyrir og draga úr einmanaleika og félagslegri einangrun viðkvæmra hópa.

Tekinn fyrir rafpóstur dags. 01.03.2024 frá Gæða- og eftirlitsstofnun velferðarmála. GEV sinnir eftirliti með gæðum þjónustu sem veitt er á grundvelli laga nr. 40/1991 um félagsþjónustu sveitarfélaga og laga nr. 38/2018 um þjónustu við fatlað fólk með langvarandi stuðningsþarfir. GEV hefur stofnað til frumkvæðisathugunar á reglum sveitarfélaga um stoð- og stuðningsþjónustu sveitarfélaga. Óskað var eftir að sveitarfélagið svaraði spurningarlista og senda með allar reglur um stoð- og stuðningsþjónustu.

Tekið fyrir erindi frá Gæða- og eftirlitsstofnun dags. 25.03.2024 þar sem tilkynnt er að GEV sinni eftirliti með gæðum þjónustu sem veitt er á grundvelli laga nr. 38/2018 um þjónustu við fatlað fólk með langvarandi stuðningsþarfir. Ákveðið hefur verið að stofna til frumkvæðisathugunar á upplýsingagjöf á vefsíðum sveitarfélaga um þjónustu við fatlað fólk á grundvelli frumkvæðisskyldu sveitarfélaga. Þessi athugun nær til allra sveitarfélaga landsins og mun gagnaöflun fela í sér yfirferð á upplýsingum á vefsíðum sveitarfélaganna. Sveitarfélögin munu að lokinni athugun fá sendar niðurstöður athugunarinnar.

Tekinn fyir rafpóstur dags. 19.03.2024 frá einstaklingum er vinna fyrir sálfræðideild Háskólans í Reykjavík, nemendur í HR og Landsamtökin Þroskahjálp. Verið er að vinna að könnun á umfangi nauðungar í búsetuþjónustu fyrir fatlað fólk á Íslandi.

Tekinn fyrir rafpóstur dags. 25.03.2024 frá Velferðarnefnd Alþingis. Sent er til umsagnar mál 143. um málefni aldraðra (réttur til sambúðar)

Tekinn fyrir rafpóstur dags. 07.02.2024 frá nefndar- og greiningarsviði Alþingins. Sent til umsagnar frumvarp til laga um barnalög og tæknifrjóvegun og notkun kynfruma og fósturvísa manna til stofnfrumurannsókna (einföldun regluverks), 78. mál

Tekinn fyrir rafpóstur dags 13.02.2024 frá Allsherjar- og menntamálanefnd Alþingis. Sent til umsagnar 112.mál um frumvarp til laga um breytingu á barnalögum nr. 76/2003 (greiðsla meðlaga)

Tekinn fyrir rafpóstur dags. 16.02.2024 frá Velferðarnefnd Alþingis. Sent til umsagnar 115.mál, Búsetuöryggi í dvalar- og hjúkrunarrýmum.