Félagsmálaráð

Tekið fyrir erindi dags. 06.05.2022 frá mennta- og barnamálaráðherra til sveitarfélaga um stuðning vegna móttöku barna á flótta frá Úkraínu. Ráðuneytið hefur ákveðið að veita tímabundinn fjárhagslegan stuðning til sveitarfélaga þar sem börn á flótta frá Úkraínu og fjölskyldur þeirra verða með búsetu til að styðja við móttöku, undirbúning á skólastarfi og virka þáttöku barnanna. Stuðningnum er ætlað að styðja við náms- og félagsleg úrræði sveitarfélaga fram að skólabyrjun haustið 2022. Nánari upplýsingar verða sendar sveitarfélögunum á næstum vikum.

Tekið fyrir erindi dags. 28.03.2022 frá Óskari Helga Þorleifssyni um verkefnið Römpum upp Ísland. Markmiðið með Römpum upp Ísland er að auka aðgengi hreyfihamlaðra að þjónustu, verslun og veitingahúsum á Íslandi. Stofnunin styrkir einkaaðila til að koma upp römpum eða annars konar lausnum við innganga sína og tryggja þannig að fólk með hreyfihömlun hafi aðgengi að þeirri þjónustu sem þar stendur til boða. Gert er ráð fyrir að verkefnið taki 4 ár. Erindi þetta var einnig tekið fyrir í Byggðaráði fundi 1.023 þar sem byggðaráð samþykkir samhljóða með 3 atkvæðum að vísa ofangreindu erindi til félagsmálaráðs, umhverfisráðs og framkvæmdastjórnar.

Tekið fyrir erindi dags. 02.05.2022 frá Félags- og vinnumarkaðsráðherra sem hvetur sveitarfélög til að efla félagsstarf fullorðinna á árinu 2022, með það að markmiði að rjúfa félagslega einangrun sem orðið hefur vegna COVID-19. Gert er ráð fyrir að hvert sveitarfélag geti sótt um 1.200 kr. fyrir hvern íbúa í sveitarfélaginu sem er 67 ára og eldri. Umsóknarfrestur er til 17. maí 2022

Tekið fyrir erindi dags. 06.05.2022 frá Sambandi Íslenskra sveitarfélaga. Velferðarvaktin hefur fjallað um rannsóknarskýrsluna Félagsleg og efnahagsleg staða og brotthvarf úr íslenskum framhaldsskólum, sem félags- og vinnumarkaðsráðuneytið og mennta- og barnamálaráðuneytið komu að og Velferðarvaktin gaf út í janúar sl. Tillögur um úrbætur komu frá Velferðarvaktinni og sendir sambandið fyrrgreinda skýrslu til sveitarfélaganna.

Tekið fyrir erindi dags. 06.05.2022 frá Sambandi Íslenskra sveitarfélaga. Samkvæmt upplýsingum frá Félags- og vinnumarkaðsráðuneytinu skal framlag sveitarfélaga til orlofsnefnda á hverju svæði vera minnst 127.96 fyrir hvern íbúa sveitarfélagsins. Framlag þetta skal greiða orlofsnefnd viðkomandi orlofssvæðis fyrir 15. maí nk. sbr. 5. gr. laga nr. 53/1972

Tekið fyrir erindi dags. 13.04.2022 frá Félags- og vinnumarkaðsráðuneytinu sem hafði borist fyrirspurn frá Alþingi í tengslum við lög um orlof húsmæðra, nr. 53/1972. Óskað er eftir upplýsingum frá sveitarfélögum sem komið geta að gagni í svari ráðherra við fyrrnefndri fyrirspurn. Í því sambandi er meðal annars vísað til 11. gr. laga um orlof húsmæðra, nr. 53/1972, þar sem kveðið er á um að orlofsnefndum sé skylt að senda ráðuneytinu árlega skýrslu um starfsemi sína.

Tekið fyrir erindi dags. 06.05.2022 frá Jafnréttisstofu. Boðið er til ráðstefnu; Konur gára vatnið, ráðstefna um kynjajafnrétti í stjórnun. Ráðstefnan er haldin í Hofi, miðvikudaginn 11. maí 2022

Tekið fyrir erindi dags. 02.05.2022 frá Velferðarnefnd Alþingis. Sent er til umsagnar frumvarp til laga um breytingu á ýmsum lögum í þágu barna (samþætting þjónustu í þágu barna, snemmtækur stuðningur), 530. mál.

Tekið fyrir erindi dags. 06.05.2022 frá Velferðarnefnd Alþingis. Sent er til umsagnar frumvarp til laga um atvinnuréttindi útlendinga (einstaklingar sem flytjast til innan viðskiptafyrirtækis), 482. mál.