Tillaga vegna kosninga til Alþingis laugardaginn 28. október 2017

Til máls tók Bjarni Th. Bjarnason sem leggur fram eftirfarandi tillögu:

Tillaga vegna kosninga til Alþingis laugardaginn 28. október 2017.


a)
Umboð til byggðarráðs Dalvíkurbyggðar til að staðfesta kjörskrá vegna alþingiskosninga sem fram fara þann 28. október 2017 og fullnaðarumboð til að úrskurða um athugasemdir.

Sveitarstjórn samþykkir að veita byggðarráði fullnaðarumboð til að ganga frá kjörskrá vegna kosninga til Alþingis sem fram fara þann 28. október 2017. Jafnframt veitir sveitarstjórn byggðarráði fullnaðarumboð til að úrskurða um athugasemdir sem kunna að berast vegna framlagðrar kjörskrár, sbr. ákvæði 27. gr. VI. kafla laga um kosningar til Alþingis nr. 24 frá 16. maí 2000 með síðari breytingum.

b)
Ákvörðun sveitarstjórnar um fjölda kjördeilda og kjörstaði vegna alþingiskosninga laugardaginn 28. október , sbr. 10. gr. III. kafla laga um kosningar til Alþingis nr. 24. frá 16. maí 2000 og sbr. 68. gr. XIII. kafla laga um kosningar til Alþingis með síðari breytingum

Sbr. 10. gr og 68. gr. laga um kosningar til Alþingis nr. 24 frá 16. maí 2000 með síðari breytingum samþykkir sveitarstjórn eina kjördeild í Dalvíkurbyggð og verður hún í Dalvíkurskóla, líkt og verið hefur undanfarnar kosningar.

Fleiri tóku ekki til máls.