Ytra mat skóla 2014

Lögð var fram skýrslan Ytra mat skóla sem unnin var á fræðsluskrifstofu samkvæmt áætlun um ytra mat sem samþykkt var í fræðsluráði fyrir ári síðan.


Fræðsluráð þakkar fyrir skýrsluna, lýsir yfir ánægju með ýmsar jákvæðar niðurstöður um skólastarf. Jafnframt leggur fræðsluráð áherslu á að unnið verði áfram með þær niðurstöður sem ástæða er til samanber umræður. Lagt er til að skýrslan verði tekin fyrir aftur á næsta fundi fræðsluráðs, nýju ráði til frekari upplýsinar.

Með fundarboði fylgdu drög að skýrslu um ytra mat skóla Dalvíkurbyggðar sem fræðsluskrifstofan tekur saman árlega. Drögin eru lítilega breytt frá síðasta fundi ráðsins.
Skýrslan byggir á áætlun um ytra mat skóla sem samþykkt var vorið 2013.

Fræðsluráð fagnar skýrslunni og mun ræða við stjórnendur um þá þætti skýrslunnar sem ráðið vill skoða sérstaklega.

Undir þessum lið sátu Gísli Bjarnason skólastjóra Dalvíkurskóla, Bjarni Th. Bjarnason sveitarstjóri og Margrét Magnúsdóttir fulltrúi starfsmanna í Dalvíkurskóla.


Til umfjöllunar var skýrsla vegna ytra mats sem unnin var af skrifstofu fræðslu- og menningarsviðs. Farið var sérstaklega yfir nokkra þætti s.s. leyfisveitingar og símenntun.

Skólastjóri var með tillögu að breytingum á reglum varðandi leyfisveitingar og var falið að leggja þær fyrir á næsta fundi ráðsins.