Byggðaráð Dalvíkurbyggðar - 921

Málsnúmer 1910003F

Vakta málsnúmer

Sveitarstjórn - 317. fundur - 31.10.2019

Til afgreiðslu.
2. liður
6. liður

  • .1 201905027 Starfs- og fjárhagsáætlun 2020 og þriggja ára áætlun 2021-2023
    Rúna Kristín Sigurðardóttir kom á fundinn kl. 16:00 og sat fundinn undir 1. a) og b) lið.

    a) Frá fræðslu- og menningarsviði vegna fjárhagsáætlunarvinnu.

    Undir þessum lið kom á fundinn Gísli Bjarnason, sviðsstjóri fræðslu- og menningarsviðs kl. 16:00.

    Gísli kynnti fjárhagsáætlunarvinnu sviðsins og tillögu að starfs- og fjárhagsáætlun fræðslu- og menningarsviðs vegna ársins 2020. Rúna fór yfir skil á vinnubókum sviðsins.

    Til umræðu ofangreint.

    Gísli vék af fundi kl. 18:27.

    b) Frá fjármála- og stjórnsýslusviði vegna fjárhagsáætlunarvinnu.

    Katrín sveitarstjóri kynnti fjárhagsáætlunarvinnu sviðsins og tillögu að starfs- og fjárhagsáætlun fjármála-og stjórnsýslusviðs vegna ársins 2020. Rúna fór yfir skil á vinnubókum sviðsins.

    Til umræðu ofangreint.

    Rúna vék af fundi kl. 18:40.     Byggðaráð Dalvíkurbyggðar - 921 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .2 201910003 Ársfundur Samtaka sveitarfélaga á köldum svæðum 2019
    Tekinn fyrir rafpóstur frá Sambandi íslenskra sveitarfélaga, dagsettur 26. september 2019, þar sem boðað er til ársfundar Samtaka sveitarfélaga á köldum svæðum föstudaginn 4. október 2019 kl. 12:30 í Reykjavík.

    Til umræðu úrsögn Dalvíkurbyggðar úr samtökunum.     Byggðaráð Dalvíkurbyggðar - 921 Byggðaráð samþykkir samhljóða með 3 atkvæðum að Dalvíkurbyggð segi sig úr Samtökum sveitarfélaga á köldum svæðum frá og með næstu áramótum þar sem aðeins rúmlega 2% íbúa sveitarfélagsins eru án hitaveitu. Niðurstaða þessa fundar Sveitarstjórn samþykkir samhljóða með 7 atkvæðum afgreiðslu byggðarráðs Bókun fundar Sveitarstjórn samþykkir samhljóða með 7 atkvæðum ofangreinda afgreiðslu byggðaráðs.
  • .3 201910004 Leiðbeinandi álit um tvöfalda skólavist barna
    Tekinn fyrir rafpóstur frá Sambandi íslenskra sveitarfélaga, dagsettur 1. október 2019, leiðbeinandi álit um tvöfalda skólavist barna í leik- og grunnskóla sem unnið hefur verið af sérfræðingum Sambands íslenskra sveitarfélaga.

    Tilefni álitsins er fjölgun beiðna frá forsjáraðilum barna til sveitarfélaga um tvöfalda grunnskólagöngu nemenda. Þá er í álitinu einnig fjallað um eldra álit sambandsins frá 2013 sem varðaði tvöfalda leikskólavist.     Byggðaráð Dalvíkurbyggðar - 921 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .4 201910005 Tré lífsins - Minningargarðar
    Tekið fyrir erindi frá Sigríði Bylgju Sigurjónsdóttur, stofnanda Trés lífsins, dagsett 20. september 2019, þar sem verið er að kanna áhuga á Minningargörðum og afstöðu til þess að opna slíkan garð í sveitarfélaginu.

    Í Minningagarði er aska látinna einstaklinga gróðursett ásamt tré sem mun vaxa upp til minningar um hinn látna og vera merkt rafrænu minningasíðu þess sem undir því hvílir.

    Óskað er eftir afstöðu sveitarfélagsins fyrir 1. nóvember n.k.     Byggðaráð Dalvíkurbyggðar - 921 Lagt fram til kynningar. Byggðaráð felur sveitarstjóra að svara erindinu í samræmi við umræður á fundinum. Niðurstaða þessa fundar Lagt fram til kynningar Bókun fundar Lagt fram til kynningar.
  • .5 201909133 Áskorun vegna rusls sem mengar hafið.
    Tekið fyrir erindi frá Íslenska sjávarklasanum, dagsett 26. september 2019, áskorun á sveitarfélög að taka fyrir fok úr ruslatunnum heimilissorps með því að bjóða íbúum upp á einfaldar lausnir til að loka sorptunnum. Byggðaráð Dalvíkurbyggðar - 921 Byggðaráð samþykkir samhljóða með 3 atkvæðum að vísa erindinu til umhverfisráðs. Niðurstaða þessa fundar Lagt fram til kynningar Bókun fundar Lagt fram til kynningar.
  • .6 201909131 Til umsagnar frumvarp til laga um breytingu á lögum um virðisaukaskatt, nr. 50/1988, 26. mál.
    Tekið fyrir erindi frá umhverfis- og samgöngunefnd Alþingis, dagsett 26. september 2019, en til umsagnar er frumvarp til laga um breytingu á lögum um virðisaukaskatt, nr. 50/1988 (endurgreiðsla virðisaukaskatts), 26. mál.

    Þess er óskað að undirrituð umsögn berist eigi síðar en 10. október nk.     Byggðaráð Dalvíkurbyggðar - 921 Byggðaráð Dalvíkurbyggðar fagnar fram lögðu frumvarpi til laga um breytingu á lögum um virðisaukaskatt, nr. 50/1988 (endurgreiðsla virðisaukaskatts), 26. mál.
    Mjög brýnt er að frumvarpið nái fram að ganga enda mörg sveitarfélög sem standa frammi fyrir kostnaðarsömum fráveituframkvæmdum ef þau eiga að geta uppfyllt lagaskyldur málaflokksins. Fráveitumál eru bæði heilbrigðis- og umhverfismál og mikið atriði að sveitarfélög komi þeim í viðunandi horf. Stuðningur með endurgreiðslu virðisaukaskatts frá Ríki vegna fráveituframkvæmda gerir sveitarfélögum frekar kleift að ráðast í þær úrbætur sem þarf og koma þessum málaflokki í góða stöðu.

    Byggðaráð samþykkir samhljóða með 3 atkvæðum að fela sveitarstjóra að senda inn ofangreinda umsögn um frumvarpið.     Niðurstaða þessa fundar Sveitarstjórn samþykkir samhljóða með 7 atkvæðum afgreiðslu byggðarráðs Bókun fundar Sveitarstjórn samþykkir samhljóða með 7 atkvæðum ofangreinda umsögn byggðaráðs um frumvarp til laga um breytingu á lögum um virðisaukaskatt.
  • .7 201909132 Til umsagnar frumvarp til laga um skráningu einstaklinga (heildarlög), 101. mál.
    Tekinn fyrir rafpóstur frá Allsherjar- og menntamálanefnd Alþingis, dagsettur 26. september 2019, en til umsagnar er frumvarp til laga um skráningu einstaklinga (heildarlög), 101.

    Þess er óskað að undirrituð umsögn berist eigi síðar en 10. október nk.     Byggðaráð Dalvíkurbyggðar - 921 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.

    Enginn tók til máls um fundargerðina og annað í fundargerðinni þarfnast ekki afgreiðslu. Þeir liðir sem ekki þarfnast afgreiðslu eru því lagðir fram til kynningar í sveitarstjórn.