Íþrótta- og æskulýðsráð - 101, frá 02.07.2018

Málsnúmer 1806010F

Vakta málsnúmer

Byggðaráð - 871. fundur - 12.07.2018

Til afgreiðslu:
3. liður.
4. liður.
  • .1 201406068 Gagnagátt - Íþrótta- og æskulýðsráð
    Íþrótta- og æskulýðsráð - 101 Farið var yfir gögn sem eru undir gagnagáttinni, s.s. reglugerðir og samþykktir, starfsáætlun og erindisbréf. Einnig var farið yfir ritun fundargerða, hæfi og vanhæfi og fleira sem snýr að störfum nefndarmanna. Ráðið mun taka erindisbréfið til frekari endurskoðunar á næsta fundi ráðsins. Niðurstaða þessa fundar Lagt fram til kynningar Bókun fundar Lagt fram til kynningar
  • .2 201806133 Fundartími íþrótta- og æskulýðsráðs
    Íþrótta- og æskulýðsráð - 101 Þórunn Andrésdóttir lagði til að fastur fundartími íþrótta- og æskulýðsráðs verði fyrsti þriðjudagur í mánuði og að fundir hefjist klukkan 8:15. Gert er ráð fyrir að fundir verði ekki lengur en 2 klukkustundir.
    Samþykkt með 5 atkvæðum.
    Niðurstaða þessa fundar Lagt fram til kynningar Bókun fundar Lagt fram til kynningar
  • .3 201805053 Reglur um líkamsrækt íþróttamiðstöðvar
    Á síðasta fundi íþrótta- og æskulýðsfráðs var eftirfarandi bókað:
    "Rætt um aldurstakmörk í líkamsrækt. Í dag mega ungmenni koma í líkamsrækt eftir að hafa lokið 8. bekk, enda hafa þau fengið þjálfun í grunnskólanum undangenginn vetur.
    Íþrótta- og æskulýðsráð samþykkir að áfram verði sömu aldursviðmið en hægt verði að gera undanþágu þegar viðkomandi fær beiðni frá fagaðila, s.s. lækni eða sjúkraþjálfara."

    Erindi barst í framhaldinu frá Sveini Torfasyni, sjúkraþjálfara og foreldri.
    Hann skorar á íþrótta og æskulýðsráð að endurskoða aldurstakmark í rækt,með það að markmiði að efla almennt íþróttastarf í sveitarfélaginu ásamt því að hvetja
    yngri iðkendur að hreyfa sig á heilbrigðan og heilsusaman hátt í ræktinni undir handleiðslu. Með erindinu voru tilvísanir í greinar sem vísa til þess að rannsóknir sýna að það sé ekkert sem mæli gegn því að börn undir 14 ára aldri stundi líkamsrækt, sé rétt staðið að þeim æfingum.

    Sveinn leggur til að að ræktin sé opin öllum en 16 ára og yngri (10. bekkur) séu í fylgd með fullorðnum eða undir handleiðslu einkaþjálfara.
    Einungis sé leyfilegt að hafa eigin börn með sér og að hámarki 2 börn. Menntaðir einkaþjálfarar mættu einnig sinna tveimur yngri en 16 ára í einu.     Íþrótta- og æskulýðsráð - 101 Íþrótta- og æskulýðsráð samþykkir að halda aldurstakmörkum við 14 ár áfram. Einnig samþykkir ráðið að breyta reglum á þann veg að börn á aldrinum 12-14 ára fái að koma í fylgd með fullorðnum eða undir handleiðslu einkaþjálfara.
    Einungis sé leyfilegt að hafa eigin börn með sér og að hámarki 2 börn í senn. Menntaðir einkaþjálfarar mega einnig sinna tveimur börnum á aldrinum 12-14 ára í senn.     Niðurstaða þessa fundar Samþykkt Bókun fundar Byggðaráð samþykkir samhljóða með 3 atkvæðum ofangreinda afgreiðslu íþrótta- og æskulýðsráðs.
  • .4 201806075 Ósk um launalaust leyfi
    Tekin fyrir ósk um launalaust leyfi Fanneyjar Birtu Þorleifsdóttur, starfsmanni íþróttamiðstöðvar Dalvíkurbyggðar. Óskað er eftir leyfi frá 1. september 2018 í eitt ár. Íþrótta- og æskulýðsráð - 101 Íþrótta- og æskulýðsráð telur umsóknina ekki falla að reglum um launalaust leyfi og leggur til að erindinu verði hafnað.
    Þar sem erindið felur í sér frávik frá verklagsreglum um launalaust leyfi, skal leggja hana fyrir byggðaráð til endanlegrar afgreiðslu.     Niðurstaða þessa fundar Samþykkt Bókun fundar Byggðaráð samþykkir samhljóða með 3 atkvæðum tillögu íþrótta- og æskulýðsráðs um að hafna umsókn um launalaust leyfi þar sem það er ekki í samræmi við reglur sveitarfélagsins um veitingu launalausra leyfa.
  • .5 201806132 Starfs- og fjárhagsáætlun fræðslu- og menningarsviðs 2019
    Íþrótta- og æskulýðsráð - 101 Tímarammi og verkefni tengd starfs- og fjárhagsáætlunarvinnu kynnt ráðinu. Niðurstaða þessa fundar Lagt fram til kynningar Bókun fundar Lagt fram til kynningar

    Aðrir liðir þarfnast ekki afgreiðslu byggðarráðs og eru þeir liðir sem ekki þarfnast afgreiðslu lagðir fram til kynningar.