Íþrótta- og æskulýðsráð - 100, frá 15.05.2018

Málsnúmer 1805010F

Vakta málsnúmer

Sveitarstjórn - 304. fundur - 11.06.2018

Til afgreiðslu:
1. liður.
  • .1 201805053 Reglur um líkamsrækt íþróttamiðstöðvar
    Íþrótta- og æskulýðsráð - 100 Rætt um aldurstakmörk í líkamsrækt. Í dag mega ungmenni koma í líkamsrækt eftir að hafa lokið 8. bekk, enda hafa þau fengið þjálfun í grunnskólanum undangenginn vetur.
    Íþrótta- og æskulýðsráð samþykkir að áfram verði sömu aldursviðmið en hægt verði að gera undanþágu þegar viðkomandi fær beiðni frá fagaðila, s.s. lækni eða sjúkraþjálfara.
     Niðurstaða þessa fundar Samþykkt Bókun fundar Til máls tóku:
    Guðmundur St. Jónsson, sem leggur til að þessum lið verði vísað aftur til íþrótta- og æskulýðsráðs.
    Katrín Sigurjónsdóttir.
    Jón Ingi Sveinsson.


    Sveitarstjórn samþykkir samhljóða með 7 atkvæðum ofangreinda tillögu Guðmundur St. Jónssonar um að vísa þessum lið aftur til íþrótta- og æskulýðsráðs.
  • .2 201803122 Starfsemi Víkurrastar / félagsmiðstöðvar
    Íþrótta- og æskulýðsráð - 100 Íþrótta- og æskulýðsráð tekur undir með ungmennaráði og telur mikilvægt að skoðað verði frá grunni með hvaða hætti starfsemi Víkurrastar og þar með félagsmiðstöðvar verði til framtíðar. Það eru miklir möguleikar í alhliða frístundahúsi í Víkurröst. Ráðið telur mikilvægt að þetta verði unnið áfram í samráði við ungmennaráð og sett í farveg þannig að í haust verði búið að móta stefnu um það með hvaða hætti starfsemi Víkurrastar verði háttað. Niðurstaða þessa fundar Lagt fram til kynningar Bókun fundar Lagt fram til kynningar.
  • .3 201803121 Ungt fólk og lýðræði 2018
    Íþrótta- og æskulýðsráð - 100 Ályktun frá ráðstefnunni Ungt fólk og lýðræði sem var haldin dagana 21.-23.mars sl. lögð fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .4 201802112 Húsnæði og troðari
    Íþrótta- og æskulýðsráð - 100 Tekin fyrir greinagerð frá Skíðafélagi Dalvíkur varðandi endurnýjun á troðara félagsins og uppbyggingu geymsluhúsnæði félagsins.
    Íþrótta- og æskulýðsráð telur þá leið að endurnýja dælur ofl. (leið 2 í greinagerð) sé vænlegasti kosturinn. Þetta gefur troðaranum nokkur ár til viðbótar. Í framhaldi verði svo gerð tímaáætlun um endurnýjun á troðaranum. Ráðinu lýst vel á áætlanir skíðafélagsins um framtíðaruppbygingu geymsluhúsnæðis félagsins og vísar því til gerðar starfs- og fjárhagsáætlunarvinnu næsta haust.     Niðurstaða þessa fundar Lagt fram til kynningar Bókun fundar Lagt fram til kynningar.
  • .5 201801076 20 ára afmæli Dalvíkurbyggðar
    Íþrótta- og æskulýðsráð - 100 Frestað til næsta fundar. Niðurstaða þessa fundar Lagt fram til kynningar Bókun fundar Lagt fram til kynningar.
  • .6 201804025 Ársreikningar íþróttafélaga 2017
    Íþrótta- og æskulýðsráð - 100 Farið yfir ársreikninga íþróttafélaga í Dalvíkurbyggð. Niðurstaða þessa fundar Lagt fram til kynningar Bókun fundar Lagt fram til kynningar.
  • .7 201804001 Vorfundur íþrótta- og æskulýðsráðs 2018
    Íþrótta- og æskulýðsráð - 100 Undir þessum lið var fundað með fulltrúum íþróttafélaga í Dalvíkurbyggð.
    Fulltrúar félaganna fóru yfir rekstur og starfsemi félaganna.

    Kynntar voru breytingar á reglum um kjör á íþróttamanni ársins og reglum um afreks- og styrktarsjóð íþrótta- og æskuýðsráðs.

    Rætt var um það að félögin myndi setja sér verklagsreglur um einelti og kynferðislega áreitni. Íþrótta- og æskulýðsfulltrúi mun leiða þá vinnu.

    Íþrótta- og æskulýðsráð þakkar samstarfið undanfarin ár og þakkar jafnframt fyrir það mikilvæga starf sem sjálfboðaliðar íþróttafélaganna eru að sinna innan sinna félaga.     Niðurstaða þessa fundar Lagt fram til kynningar Bókun fundar Lagt fram til kynningar.

    Fleiri tóku ekki til máls um fundargerðina og annað þarfnast ekki afgreiðslu sveitarstjórnar, þeir liðir sem ekki þarfnast afgreiðslu eru því lagðir fram til kynningar.