Byggðaráð Dalvíkurbyggðar - 860, frá 15.03.2018

Málsnúmer 1803009F

Vakta málsnúmer

Sveitarstjórn - 301. fundur - 20.03.2018

Til afgreiðslu:
5. liður.
6. liður.
  • .1 201707003 Frá Whales Hauganes ehf; Erindi vegna flotbryggju á Hauganesi
    Undir þessum lið kom á fund byggðaráðs Þorsteinn K. Björnsson, sviðsstjóri veitu- og hafnaviðs, kl. 13:00.

    Á 859. fundi byggðaráðs þann 8. mars 2018 var m.a. bókað:
    "Með fundarboði fylgdi nýtt erindi frá Árna Halldórssyni fyrir hönd Whales Hauganes ehf., móttekið þann 6. mars 2018, þar sem erindið frá 3. júlí 2017 er ítrekað þar sem óskað er eftir flotbryggju, enda hafi fyrirtækið ekki trú á að hægt sé að bæta aðgengið nema með flotbryggju. Óskað er eftir að fá byggðaráð í heimsókn á hafnarsvæðið á Hauganesi sem allra fyrst til að skoða aðstæður og fara yfir málin. Á fundinum fór byggðaráð í heimsókn til Whales Hauganes ehf. á Hauganes ásamt sveitarstjóra og sviðsstjóra fjármála- og stjórnsýslusviðs.
    Byggðaráð samþykkir samhljóða með 3 atkvæðum að fela sviðsstjóra veitu- og hafnasviðs að eiga fund með forsvarsmönnum Whales Hauganes ehf. og koma á næsta fund byggðaráðs með hugmyndir að lausnum."

    Sviðsstjóri veitu- og hafnaviðs gerði grein fyrir fundi sínum með forsvarsmönnum Whales Hauganes ehf. þriðjudaginn 13. mars s.l.

    Til umræðu ofangreint.

    Þorsteinn vék af fundi kl. 13:18.     Byggðaráð Dalvíkurbyggðar - 860 Byggðaráð samþykkir samhljóða með 3 atkvæðum að fela sviðsstjóra veitu- og hafnasviðs að leggja fyrir byggðaráð útfærða lausn í samræmi við það sem rætt var á fundinum. Niðurstaða þessa fundar Lagt fram til kynningar Bókun fundar Lagt fram til kynningar.
  • .2 201708036 Frá Herberti Hjálmarssyni o.fl.; Fjárhagsáætlun 2018: endurnýjun og/eða viðhald á stoðvegg á lóðarmörkum við Hafnarbraut 16 og 18
    Undir þessum lið sat fundinn Börkur Þór Ottósson, sviðsstjóri umhverfis- og tæknisviðs, kom inn á fundinn kl. 13:23.

    Á 298. fundi umhverfisráðs þann 1. desember 2017 var eftirfarandi bókað:
    "Tekið fyrir erindi frá Herberti Hjálmarssyni, Guðrúnu F. Skarphéðinsdóttur, Hólmfríði A. Gísladóttur og Júlíusi Baldurssyni, dagsett þann 4. ágúst 2017, þar sem óskað er eftir að stoðveggur á lóðamörkum við Hafnarbraut verði endurnýjaður og/eða honum viðhaldið.
    Með vísan til álits lögmanns Dalvíkurbyggðar ber Dalvíkurbyggð ekki ábyrgð á kostnaði vegna viðhalds veggjanna. Þeir standa innan lóðarmarka og teljast til séreignar eins og hún er skilgreind m.a. í lögum um fjöleignarhús. Óljósar upplýsingar um aðkomu sveitarfélagsins að byggingu veggjanna á sínum tíma breyta ekki þessari niðurstöðu. Ekkert liggur fyrir um að Dalvíkurbyggð hafi áður komið að viðhaldi veggjanna sem þá þýðir væntanlega að eigendur húsanna hafa sinnt viðhaldinu hingað til. Þáttöku sveitarfélagsins er því hafnað."

    Á 298. fundi sveitarstjórnar þann 14. desember 2017 var samþykkt sú tillaga sveitarstjóra að fresta afgreiðslu á þessum lið í fundargerð umhverfisráðs og vísa til byggðaráðs til frekari umfjöllunar.

    Á 852. fundi byggðaráðs þann 18. janúar s.l. komu á fund byggðaráðs Júlíus Baldursson og Herbert Hjálmarsson varðandi ofangreint erindi. Byggðaráð samþykkti samhljóða með 3 atkvæðum að fela sveitarstjóra að afla nánari upplýsinga á millifunda.

    Til umræðu ofangreint.

    Bjarni Th. vék af fundi undir þessum lið til annarra starfa kl. 13:36.
     Byggðaráð Dalvíkurbyggðar - 860 Byggðaráð samþykkir samhljóða með 3 atkvæðum að fela sviðsstjóra umhverfis- og tæknisviðs að afla frekari upplýsinga í samræmi við það sem rætt var á fundinum. Niðurstaða þessa fundar Lagt fram til kynningar Bókun fundar Lagt fram til kynningar.
  • .3 201803048 Frá Mannvirkjastofnun; Úttektir slökkviliða 2017, Dalvík
    Undir þessum lið komu á fund byggðaráðs Vilhelm Anton Hallgrímsson, slökkviliðsstjóri, kl. 13:47.

    Tekið fyrir erindi frá Mannvirkjastofnun, dagsett þann 9. mars 2018, er varðar úttekt Mannvirkjastofnunar á Slökkviliði Dalvíkur sem fór fram 27. desember 2017.

    Til umræðu ofangreint.

    Börkur og Vilhelm Anton véku af fundi kl. 14:11.     Byggðaráð Dalvíkurbyggðar - 860 Byggaráð samþykkir með 3 atkvæðum að vísa ofangreindu erindi til umhverfisráðs. Niðurstaða þessa fundar Lagt fram til kynningar Bókun fundar Lagt fram til kynningar.
  • .4 201612051 Frá vinnuhópi Dalvíkurbyggðar v. innleiðingar á nýjum persónuverndarlögum; kaup á ráðgjöf.
    Til umræðu kaup á þjónustu frá verktaka vegna innleiðingar á nýrri persónuverndarlöggjöf.

    Sviðsstjóri fjármála- og stjórnsýslusviðs gerði grein fyrir fundi vinnuhóps og stöðu mála hvað varðar undirbúning innleiðingar.     Byggðaráð Dalvíkurbyggðar - 860 Byggðaráð samþykkir samhljóða með 3 atkvæðum að fela sviðsstjóra fjármála- og stjórnsýslusviðs ásamt vinnuhópnum að vinna áfram að málinu. Niðurstaða þessa fundar Lagt fram til kynningar Bókun fundar Lagt fram til kynningar.
  • .5 201803022 Frá Lánasjóði sveitarfélaga; Aðalfundur Lánasjóðsins 2018
    Tekið fyrir fundarboð frá Lánasjóði sveitarfélaga, sbr. rafpóstur dagsettur þann 7. mars 2018, þar sem boðað er til aðalfundar sjóðsins föstudaginn 23. mars 2018 kl. 15 á Grand Hótel Reykjavík.
    Sjá nánar:
    http://www.lanasjodur.is/um-lanasjodinn/adalfundir/adalfundur-2018/


    Vakin er sérstök athyggli á að seturétt eiga allir kjörnir fulltrúar í sveitarstjórn.

    Á aðalfundinum er það þannig að framkvæmdarstjóri sveitarfélags fer með atkvæðistrétt síns sveitarfélags nema ef sveitarstjórn hefur tekið sérstaka ákvörðun um annað.     Byggðaráð Dalvíkurbyggðar - 860 Byggðaráð samþykkir samhljóða með 3 atkvæðum að leggja til við sveitastjórn að Bjarni Th. Bjarnason, sveitarstjóri, sæki fundinn og fari með atkvæði sveitarfélagsins á aðalfundi Lánasjóðs sveitarfélaga ohf. þann 23. mars n.k. Niðurstaða þessa fundar Samþykkt Bókun fundar Sveitarstjórn samþykkir samhljóða með 7 atkvæðum afgreiðslu byggðaráðs.
  • .6 201803038 Frá Félagi íslenskra kraftamanna; Norðurlands Jakinn 2018
    Tekið fyrir erindi frá Félagi íslenskra kraftamanna, dagsett þann 9. mars 2018, þar sem fram kemur að stefnt er á að halda aflraunamótið Norðurlands Jakinn, keppni sterkustu manna landsins í annað sinn dagana 23. - 25. ágúst 2018 víðsvegar um Norðurland.

    Í sjónvarpsþættinum sem gerður verður um keppnina og verður afhentur fullunninn til sýningar hjá RÚV er fléttað saman við aflraunirnar, hrikalegri náttúru , sögu staðana sem farið er á og lífi fólksins þar fyrr og síðar, þetta á að vera svona menningar þáttur í bland við krafta.

    Óskað er eftir styrk að upphæð kr. 140.000 og jafnvel gistingu og einni máltíð (morgunmatur, hádegismatur eða kvöldverður).




     Byggðaráð Dalvíkurbyggðar - 860 Byggðaráð samþykkir samhljóða með 3 atkvæðum að hafna ofangreindu erindi þar sem búið er að marka stefnuna í starfs- og fjárhagsáætlun fyrir árið 2018 varðandi kynningarmál. Niðurstaða þessa fundar Samþykkt Bókun fundar Sveitarstjórn samþykkir samhljóða með 7 atkvæðum afgreiðslu byggðaráðs.
  • .7 201803043 Trúnaðarmál
    Bókað í trúnaðarmálabók. Byggðaráð Dalvíkurbyggðar - 860
  • .8 201803042 Trúnaðarmál
    Bókað í trúnaðarmálabók. Byggðaráð Dalvíkurbyggðar - 860
  • .9 201803035 Frá nefndasviði Alþingis; Til umsagnar tillaga til þingsályktunar um skiptingu útsvarstekna milli sveitarfélaga, 200. mál.
    Tekinn fyrir rafpóstur frá nefndasviði Alþingis, dagsettur þann 8. mars 2018, þar sem sent er til umsagnar tillögu til þingsályktunar um skiptingu útsvarstekna milli sveitarfélaga, 200. mál. Umsagnir skulu berast eigi síðar en 28. mars n.k. Byggðaráð Dalvíkurbyggðar - 860 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .10 201803020 Frá nefndasviði Alþingis; Til umsagnar tillaga til þingsályktunar um aðgengi að stafrænum smiðjum, 236. mál.
    Tekinn fyrir rafpóstur frá nefndasviði Alþingis, dagsettur þann 6. mars 2018, þar sem sent er til umsagnar tillögu til þingsályktunar um aðgengi að stafrænum smiðjum, 236. mál. Umsagnir berist eigi síðar en 23. mars nk. á netfangið nefndasvid@althingi.is.

     Byggðaráð Dalvíkurbyggðar - 860 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .11 201803046 Frá nefndasviði Alþingis; Til umsagnar frumvarp til laga um Þjóðskrá Íslands, 339. mál.
    Tekinn fyrir rafpóstur frá nefndasviði Alþingis, dagsettur þann 12. mars 2018, þar sem óskað er umsagnar um frumvarp til laga um Þjóðskrá Íslands, 339. mál. Þess er óskað að undirrituð umsögn berist eigi síðar en 3. apríl n.k. Byggðaráð Dalvíkurbyggðar - 860 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.

    Enginn tók til máls um fundargerðina og annað í fundargerðinni þarfnast ekki afgreiðslu sveitarstjórnar, þeir liðir sem ekki þarfnast afgreiðslu eru því lagðir fram til kynningar í sveitarstjórn.