Opnun ljósmyndasýningar - Sindri Swan

 

Sindri byrjaði að taka ljósmyndir þegar hann var ungur að árum og hefur alla tíð haft mikinn áhuga á því listformi.

 

Sindri flutti heim árið 2020 eftir að hafa búið erlendis þar sem hann nam bæði leiklist og leikstjórn. Eftir að heim var komið, í sitt gamla umhverfi, upplifði hann það í nýju ljósi.

 

Síðustu tvö ár hefur hann ferðast um norðurlandið (og víðar) og reynt að fanga hið einstaka í því hversdagslega.

 

Fjarlægðin gerir fjöllin blá var einhverntíman ort en eftir að hafa búið erlendis um tíma segir Sindri að það máltæki hafi fengið nýja merkingu í sínum huga. Myndirnar tala sínu máli.

Formleg opnun verður á föstudaginn langa og tekur Sindri vel á móti öllum gestum.

Sýningin verður síðan opin á opnunartíma hússins fram í miðjan maí og öll myndverk til sölu.

 

Sjáumst í Bergi