Ósk um styrk v. lagfæringar á svelg - frá Byggðarráði

Lagður fram tölvupóstur frá byggðarráði, 994. fundur dags. 06.09.2021, um ákvörðun styrkveitingar fyrir félag eldri borgara í Dalvíkurbyggð.

202108068 - Ósk um styrk vegna lagfæringar á svelg á bílaplani við Mímisbrunn.
Tekið fyrir erindi frá Helgu Mattínu Björnsdóttur, formanni Félags eldri borgara í Dalvíkurbyggð og Hrísey, dagsett 24. ágúst 2021. Óskað er eftir styrk vegna lagfæringa á niðurfalli á bílaplani við hús félagsins að Mímisbrunni. Að mati félagsins er mikilvægt að ljúka viðgerð fyrir vetrarbyrjun. Áætlaður kostnaður er kr. 150.000.
Byggðaráð samþykkir samhljóða með 3 atkvæðum að veita styrk til félagsins, á móti reikningi, að hámarki kr. 150.000, vísað á deild 02400, lið 9145.
Byggðaráð felur sviðsstjóra félagsmálasviðs að finna svigrúm innan heimilda í málaflokki 02 á móti ofangreindum styrk.