Frá nefndasviði Alþingis; Vinnuskjal með drögum af breytingum, mál nr. 378 frá umhverfis og samgöngunefnd Alþingis

Tekinn fyrir rafpóstur frá nefndasviði Alþingis, dagsettur þann 4. maí 2021, þar sem kynnt er meðfylgjandi vinnuskjal með drögum að breytingum á frumvarpi til laga um breytingu á sveitarstjórnarlögum og lögum um tekjustofna sveitarfélaga (lágmarksíbúafjöldi sveitarfélags), sem Umhverfis- og samgöngunefnd er að vinna með.

Í drögunum er leitast við að ná málamiðlun milli ólíkra sjónarmiða varðandi málið án þess að missa sjónar að markmiðinu sem sett var fram í þingsályktun nr. 21/150, um stefnumótandi áætlun í málefnum sveitarfélaga fyrir árin 2019-2033.
Nefndin stefndi að því að taka málið aftur á dagskrá 12. maí sl. og því væri hægt að koma á framfæri athugasemdum og ábendingum fram að þeim tíma.