Aukið félagsstarf fullorðinna 2021 vegna COVID-19

Tekinn fyrir rafpóstur dags. 11.mars 2021 frá Félagsmálaráðuneytinu þar sem félags- og barnamálaráðherra hvetur sveitarfélög til að efla félagsstarf fullorðinna á árinu 2021, með það að markmiði að rjúfa félagslega einangrun sem orðið hefur vegna Covid-19. Leggur félags- og barnamálaráðherra sérstaka áherslu á frístundaiðkun, geðrækt, hreyfingu, tæknilæsi og forvarnir með það að markmiði að auka lífsgæði og heilbriðgi fólks, fyrirbyggja og draga úr félaglegri einangrun. Á þessum grundvelli gefst sveitarfélögum kostur á að sækja fjárframlag vegna viðbótarverkefna í félagsstarfi fullorðinna árið 2021.
Félagsmálasvið sem og fræðslu- og menningarsvið hefur sent inn umsókn til ráðuneytisins.

Tekið fyrir erindi frá félagsmálaráðuneytinu dags. 27.04.2021 þar sem fram kemur að félagsmálaráðuneytið hefur samþykkt innsenda umsókn frá Félagsmálasviði og Fræðslu- og menningarsviði Dalvíkurbyggðar um fjárframlag vegna sérstakra viðbótarverkefna í félagsstarfi fullorðinna fyrir árið 2021. Eins og fram kom í bréfi félags- og barnamálaráðherra þann 15. mars sl. er við útdeilingu fjármagns horft til fjölda 67 ára og eldri í sveitarfélaginu * 1.700 kr. Miðað er við upplýsingar Hagstofu Íslands 1. janúar 2021. Skila skal skýrslu um verkefnið fyrir 1. febrúar 2022.