Fjárhagsáætlun 2013; beiðnir um viðauka.

Á 681. fundi byggðarráðs þann 7. nóvember s.l. var kynnt stöðumat stjórnenda hvað varðar starfs- og fjárhgsáætlun Dalvíkurbyggðar 2013 fyrir janúar - september.

Byggðarráð samþykkti að beiðnir um viðauka skv. stöðumati stjórnenda verði skoðaðar í heild sinni síðar á árinu.

Með fundarboði byggðarráðs fylgdu erindi frá sviðsstjórum er varðar beiðnir um viðauka við gerð fjárhagsáætlunar 2013.

Sviðsstjóri fjármála- og stjórnsýslusviðs fór yfir og kynnti ofangreindar beiðnir.

Á 684. fundi byggðarráðs þann 5. desember 2013 var eftirfarandi bókað:
Á 681. fundi byggðarráðs þann 7. nóvember s.l. var kynnt stöðumat stjórnenda hvað varðar starfs- og fjárhgsáætlun Dalvíkurbyggðar 2013 fyrir janúar - september.

Byggðarráð samþykkti að beiðnir um viðauka skv. stöðumati stjórnenda verði skoðaðar í heild sinni síðar á árinu.

Með fundarboði byggðarráðs fylgdu erindi frá sviðsstjórum er varðar beiðnir um viðauka við gerð fjárhagsáætlunar 2013.

Sviðsstjóri fjármála- og stjórnsýslusviðs fór yfir og kynnti ofangreindar beiðnir.

Byggðarráð samþykkir samhljóða með 3 atkvæðum ofangreindar beiðnir um viðauka. Á næsta fundi byggðarráðs verður lagt fram fjárhagsáætlunarlíkan 2013 með viðaukum.

Sveitarstjóri og sviðsstjóri fjármála- og stjórnsýslusviðs kynntu tillögu að viðaukum við fjárhagsáætlun 2013 í fjárhagsáætlunarlíkani.
Um er að ræða viðauka sem hafa verið til umfjöllunar og afgreiðslu á fundum byggðarráðs, bæði í sérstökum erindum og í greinargerðum stjórnenda í stöðumötum.

Á 685. fundi byggðarráðs þann 12. desember 2013 var eftirfarandi bókað:
Sveitarstjóri og sviðsstjóri fjármála- og stjórnsýslusviðs kynntu tillögu að viðaukum við fjárhagsáætlun 2013 í fjárhagsáætlunarlíkani.

Um er að ræða viðauka sem hafa verið til umfjöllunar og afgreiðslu á fundum byggðarráðs, bæði í sérstökum erindum og í greinargerðum stjórnenda í stöðumötum.

Byggðarráð samþykkir samhljóða með 3 atkvæðum eftirfarandi varðandi ofangreint:
Að farið verði yfir beiðnir um viðauka í samræmi við umræður á fundinum, sérstaklega hvað varðar veitu- og hafnasvið.
Að verðbólga verði 3,7% í stað 4,1% í áætlunarlíkani.
Að Dalvíkurskóli fá heimild til þess að nota vænt aukaframlag frá Jöfnunarsjóði vegna skólaaksturs á móti beiðni um viðauka vegna veikindalauna.
Byggðarráð samþykkir samhljóða með 3 atkvæðum að fela sveitastjóra og sviðsstjóra fjármála- og stjórnsýslusviðs að vinna viðauka við fjárhagsáætlun 2013 að nýju í samræmi við ofangreint sem fari til umfjöllunar og afgreiðslu sveitarstjórnar 17. desember n.k.

Með fundarboði sveitarstjórnar fylgdi viðauki við fjárhagsáætlun 2013 úr fjárhagsáætlunarlíkani.

Helstu niðurstöður:
Rekstrarniðurstaða samstæðu A- og B- hluta kr. 23.767.000 jákvætt.

Fjárfestingar samstæðu A- og B- hluta kr. 165.969.000.

Lántaka samstæðu A- og B- hluta kr. 80.000.000.

Afborganir lána samstæðu A- og B- hluta kr. 128.138.000.

Til máls tóku:
Svanfríður Inga Jónasdóttir, sem gerði grein fyrir helstu niðurstöðum og forsendum.
Óskar Óskarsson.