Tónar eiga töframál; kynning í Bergi næstkomandi föstudag
29. janúar 2010
Í tilefni af Degi leikskólans þann 6. febrúar munu leikskólar og Tónlistarskóli Dalvíkurbyggðar halda kynningu á samstarfsverkefni sínu Tónar eiga töframál. Krílakot og Kátakot kynna verkefnið þann 5. febrúar kl. 10:00 í menningarhúsinu Bergi og Leikbær þann sama dag kl. 11:00 í Félagsheimilinu Árskógi.
Kaldo Kiis skólastjóri Tónlistarskólans stjórnar uppákomunni, en leikskólabörn fædd 2004, 2005 og 2006 flytja nokkur lög ásamt Þuríði Sigurðardóttur (Þuru) leikskólakennara.
Foreldrar, afar og ömmur og aðrir áhugasamir eru velkomnir.