Starfsmannafundur 15. nóvember, leikskólinn lokar kl. 12:15/Zebranie dla pracownikow przedszkola, placowka bedzie pracowac tego dnia do 12:15

Þann 15. nóvember nk. verður haldinn starfsmannafundur eftir hádegi og lokar því skólinn kl. 12:15. Foreldrar þurfa að ná í börnin sín í síðasta lagi kl. 12:15 þennan dag.

Zebranie dla pracownikow przedszkola, placowka bedzie pracowac  tego dnia do 12:15

Á fundinum verður m.a. haldið áfram vinnu með leshringi, en starfsfólk hefur undanfarnar vikur lesið bókina Barnið mitt er gleðigjafi, eftir Diane Gossen. En bókin fjallar um aðferðina Uppeldi til ábyrgðar sem allir skólar Dalvíkurbyggðar eru að innleiða þessa dagana.

Fyrir áhugasama er hægt að nálgast bókina á Bókasafni Dalvíkurbyggðar, en bókin er sérstaklega skrifuð með foreldra í huga. Guðlaug Erla Gunnarsdóttir, skólastjóri Ingunnarskóla, sem hefur unnið mikið með aðferðina Uppeldi til ábyrgðar bæði sem skólastjóri og foreldri hefur m.a. annars þetta að segja um bókina Barnið mitt er gleðigjafi: "Þessi bók gefur foreldrum tækifæri til að tileinka sér uppbyggilega leið við að kenna börnum sjálfsaga. Jafnframt má búast við auknum árangri og bættum samskiptum heimilis og skóla þegar svipuðum uppeldisaðferðum er beitt á báðum stöðum."

.