Gluggi 9: Mjólkurflutningar í Svarfaðardal

Bangsi litli er fundinn! Takk kærlega fyrir alla hjálpina við leitina að Bangsa litla. Hann var búinn að fela sig hjá orðabókunum og var að læra spænsku! ¡Ahora habla español!

 

Í glugga dagsins lítum við aftur til fortíðar og sjáum mynd af harðduglegum mjólkurbílstjórum að ferja mjólk frá bændum í Svarfaðardal í samlagið. Snjóþungir vetur gerðu flutningana erfiða og stundum tók það allt að 52 klst. að koma mjólkinni á leiðarenda!

 

Myndin er úr nýju kveri - Mjólkurflutningar í Svarfaðardal- sem gefið var út í haust og er samstarfsverkefni Byggðasafnsins Hvols og Héraðsskjalasafns Svarfdæla. Áhugasamir geta keypt eintak á bókasafninu í Bergi.

 

Á næstu dögum verður opnað sérstakt vefsvæði á heimasíðu héraðsskjalaafnsins þar sem finna má ítarefni og fleiri ljósmyndir tengdar málefninu. Fylgist með!

 

Mjólk er góð!