Fullorðnir

Safnkostur fyrir fullorðna

Allir íbúar Dalvíkurbyggðar fá lánsþegakort sér að kosnaðarlausu svo ef það er einhver sem ekki á skírteini þá hvetjum við viðkomandi að gera sér ferð á safnið og næla sér í slíkt.   

Bókasafn Dalvíkurbyggðar leggur mikinn metnað í að aðstoða almenning hvort sem það er við almenna upplýsingaleit eða í vali á dægurlesefni. Leitast er við að hafa safnkost sem fjölbreyttastan þannig að hann höfði til sem flestra og eru starfskonur bókasafnsins afar opnar fyrir tillögum að bókainnkaupum og efni. Bókasafnið reynir eftir fremsta megni að bjóða upp á flestar nýjar bækur auk þess sem reynt hefur verið, síðustu ár, að byggja markvisst upp hljóðbókakost safnisins. 

Fremst á bókasafninu er hefð fyrir að stilla upp til sýnis nýjum og vinsælum bókum eða eftir ákveðnu þema t.d. bækur og kvikmyndir. Þá má finna heilu seríurnar af spennusögum í sér hillum.

Á safninu er einnig að finna öll helstu tímarit, myndefni, spil og handbækur s.s. prjónablöð og handavinnubækur. Hægt er að leita af öllu efni sem fáanlegt er á safninu í sameiginlegum gagnagrunni allra bókasafna á Íslandi, leitir.is. 

Bókasafnið leggur mikinn metnað í að bjóða upp á fjölbreytta viðburði allt árið um kring og eru þeir sérstaklega auglýstir með góðum fyrirvara. Við bendum til dæmis á viðburðadagatal Dalvíkurbyggðar en þar eru allir viðburðir bókasafnsins sérstaklega auglýstir. Annars má lesa meira um nokkra fasta viðburði á bókasafninu undir flipanum hér að ofan sem heitir því einfalda nafni Viðburðir. 

 Við bjóðum alla hjartanlega velkomna á bókasafn Dalvíkurbyggðar.