Vinsælustu útlánin 2013

31. desember 2014

Núna í lok ársins 2014 fengum við í hendur tölfræði yfir vinsælustu útlán bókasafnsins árið 2013. Þetta er ný þjónusta Landskerfis bókasafna  og vonandi getum við fljótlega birt tölurnar fyrir árið 2014.  Langvinsælasta bókin var Maður sem heitir Ove, eftir Fredrik Backman. Sú bók fór samtals 53 sinnum í útlán og var þó gefin út á miðju ári 2013.  Sú sem kom næst henni var Skýrsla 64 eftir Jussi Adler-Olsen, hún fór 39 sinnum í útlán.

Árið 2013 voru 10 vinsælustu útlánin þessi:

  1. Maður sem heitir Ove /Fredrik Backman (2013)
  2. Skýrsla 64 /Jussi Adler-Olsen (2013)
  3. Veiðimennirnir /Jussi Adler-Olsen (2012)
  4. Kaffi og rán /Catharina Ingelman-Sundberg (2013)
  5. Ósjálfrátt /Auður Jónsdóttir (2012)
  6. Flöskuskeyti frá P /Jussi Adler-Olsen (2012)
  7. Þú speglar mig /Sylvia Day (2013)
  8. Eldvitnið : sakamálasaga /Lars Kepler (2012)
  9. Konan í búrinu /Jussi Adler-Olsen (2011)
  10. Svikalogn / Viveca Sten (2013)

Það vekur athygli að það er aðeins einn íslenskur höfundur sem tekst að komast í fyrstu sætin, en eðlilega eru vinsælar spennusögur í efstu sætunum. Það eru bækur sem lesnar eru einu sinni og óþarfi að eiga í eigin bókahillu. Það verður gaman að sjá hvaða bók vermir efsta sætið árið 2014. Vonandi getum við birt það fljótlega. Gleðilegt ár.

Til baka