Viðburðir falla niður í samkomubanni

Nýtilkomið samkomubann hefur eflaust ekki farið framhjá neinum en í ljósi þess hefur Bókasafn Dalvíkurbyggðar ákveðið að fella niður alla viðburði á vegum safnsins á þessu tímabili. 

Við munum halda hefðbundnum opnunartímum að sinni og vonum að við getum haldið opnun óbreyttri sem lengst. 

Við höfum ákveðið að fella niður leikskólaheimsóknir á safnið, allavega á meðan á samkomubanni stendur auk þess sem  ljósmyndagreiningu með eldri borgurum verður frestað á Héraðsskjalasafni Svarfdæla um ótilgreindan tíma. 

Þær aðgerðir sem Bókasafnið hefur gripið til vegna Covid-19 veirunnar felast helst í auknu hreinlæti. Við þrýfum og sprittum helstu snertifleti safnsins mjög reglulega yfir daginn. Sprittbrúsi er við afgreiðsluna og hvetjum við gesti til að nota það þegar þeir koma á safnið. Við þrýfum og sprittum allar bækur sem koma úr útláni áður en þær fara aftur upp í hillu og við höfum fjarlægt barnadót (sem börnum finnst mjög gott að slefa á) úr barnahorni. 

Berg menningarhús hefur að sama skapi fellt niður viðburði á þeirra vegum en Basalt cafe+bistro mun halda sig við hefðbundna opnunartíma og halda áfram að bjóða upp á hádegismat eins og staðan er í dag. 

Sýning Heimis Kristinssonar verður opið áfram út mánuðinn og hvetjum við alla til að líta við - bara ekki alla í einu... ;)